O Sony Ericsson W395 preséntase coma un móbil musical

Pensando nun mercado masivo Sony Ericsson presenta o seu novo W395, que é un terminal cuatribanda, con cámara de 2 Mpíxeles, sintonizador de radio FM e altofalantes estéreo. Ten unha pantalla de só 2 polgadas cunha resolución de 176 x 220 píxeles, mide 96 x 47 x 14,9 milímetros, pesa 96 gramos e a súa autonomía é de 8 horas en conversa, 480 en espera e 12,5 de reprodución musical, que parece ser unha das principais funcións deste móbil, que achega os contidos multimedia dende tarxetas M2 (incluirá unha de 1 Gb de capacidade).
O Sony Ericsson W395 carece de conectividade 3G, aínda que si conta con conectividade Bluetooth estéreo, o que deixa claro o uso para o que estaría destinado (a reprodución musical) e agárdase que chegue ao mercado neste trimestre.