O Sabor das Margaridas estreará a súa tempada en Netflix o 18 de novembro
xoves, 22 de outubro do 2020
A segunda tempada de O Sabor dás Margaridas, serie
orixinal de CTV e coproducida por CTV, a TVG e Comarex, estrearase en Netflix o vindeiro 18 de novembro. O thriller policial con ADN galego volve emitirse
na plataforma dixital, tras o éxito internacional que acadou a primeira tempada
o ano pasado. Cun toque máis urbano, pero seguindo o seu xa recoñecido estilo galician
noir, a segunda tempada incorpora unha repartición de actores recoñecidos a
nivel internacional, en liña co alcance que tivo a primeira tempada e para
reforzar o seu éxito internacional
O Sabor das Margaridas destacou por ser primeira
serie en galego que se emite en Netflix e por transcender que foi a sétima
serie máis vista en Reino Unido e Irlanda en abril do ano pasado en lingua non
inglesa, segundo o Top 10 de
popularidade oficial de Netflix.
Esta segunda tempada, emitida hai meses pola TVG, pon de
novo sobre a mesa temas como o apoderamento feminino, a prostitución ou a
violencia sexual. Está composta por 6 capítulos de 70 minutos de duración, e dirixida por Álex Sampayo, con guión orixinal de Ghaleb Jaber
Martínez, Eligio Montero e Raquel Arias.
O cadro de actores fórmano figuras de renome en Galicia; outros que son
revelación a nivel nacional, e outros emerxentes de ámbito internacional. María
Mera, Santi Prego, a actriz arxentina
Noelia Castaño, ademais de Rebeca Stones, Sara Sanz e David Seijo, son algúns deles; un elenco que reforza
o carácter internacional da serie.
Cómpre salientar que a primeira tempada de O
Sabor das Margaridas foi merecedora en 2019 o Premio Mestre Mateo á mellor
serie de televisión, recibindo tamén hai meses o Premio da Cultura Galega no
apartado audiovisual.