O Concello de Brión levará ás casas dos escolares os equipos informáticos precisos para a súa formación
mércores, 22 de abril do 2020
O
Concello de Brión, en
colaboración coas direccións dos distintos centros de ensino do
municipio, vai repartir a domicilio o material escolar do terceiro
trimestre e máis un lote de computadores entre o alumnado do
municipio, co obxectivo de permitir integralmente a teleformación
nos fogares locais e, tamén, evitar ao máximo a discriminación
dixital por falta de recursos, conectividade ou mesmo formación.
Trátase
dunha iniciativa posta en marcha polos departamentos de Cultura e
Servizos Sociais de Brión, en coordinación coas direccións dos
centros de ensino brioneses.
A
concelleira de Ensino, Sandy Cebral, explica que “nestes momentos
estamos recollendo nos centros educativos os equipos informáticos e
o material escolar que será repartido polas casas de todo o concello
por persoal municipal dos departamentos de Cultura, Deportes, Música
e Novas Tecnoloxías”. Así mesmo, destaca que “seguiremos
mantendo o contacto coas direccións dos diferentes centros de ensino
deste concello para axudalos en calquera cousa que poidan necesitar”.