O Campus de Pontevedra e o SERGAS investigarán nas vantaxes da saúde electrónica
xoves, 19 de xaneiro do 2017
A
saúde
electrónica é o futuro e dende o campus de Pontevedra toman boa
nota disto e póñense mans á obra, pois un grupo de investigadores
do Observatorio de Gobernanza G3 (Área de Ciencia Política e
Administración da Universidade de Vigo), co apoio do Instituto de
Investigación Sanitaria Galicia Sur (IISGS) do SERGAS (Servizo
Galego de Saúde), levan a cabo un estudo da saúde dende unha
perspectiva do goberno e da Administración Electrónica
(eAdministración).
Emporiso,
logo da primeira reunión deste proxecto (titulado: E-Saúde en
área de xestión integrada), irase establecendo unha axenda de
traballo para abranguer investigacións de dirección e xestión
sanitaria e de saúde arredor de cinco eixos claves: a e-Health
ou saúde electrónica, as políticas públicas xeradas ao seu redor,
o uso das TIC na contorna sanitaria, casos e boas prácticas en Áreas
Integradas de Saúde e os doentes crónicos menores de 40 anos
(e-young chronics).
E
ollando cara adiante, nun contexto de cinco anos, os profesores
doutores da Universidade de Vigo Enrique José Varela Álvarez, Xosé
María Mahou e Óscar Briones traballarán cos profesionais da
Unidade de Calidade (UCAL) da Estrutura Organizativa de Xestión
Integrada (EOXI) de Pontevedra-Salnés, Modesto Martínez, Ismael
Said, José Antonio Esperón e José Antonio Losada.
Engadir
que en colaboración co programa do Máster Universitario on-line en
Dirección Pública e Liderado Institucional, desenvolveranse outras
canles de estudo de cara a mellorar a comprensión do problema da
saúde en Galicia.