O CITIC da UDC acolle un seminario sobre Intelixencia Artificial e dixitalización no mercado laboral
luns, 9 de outubro do 2023
Como xa anunciamos dende
Código Cero, mañá, martes 10 de outubro, celebrarase o
seminario e foro de debate Cualificacións
e Habilidades Prácticas na Era da Intelixencia Artificial e a
Dixitalización Avanzada, organizada
polo CITIC e o grupo Jean Monnet de Competencia e
Desenvolvemento da UDC.
O punto de encontro deste evento estará na sala Cloud do Centro de
Investigación en TecnoloxÃas da Información e as Comunicacións
(CITIC) da Universidade da Coruña a partir das 11:30h e dará comezo
analizando como o Big Data e a Intelixencia Artificial están a
revolucionar os mercados laborais, dando a coñecer de que xeito
anticipa tendencias e emparella demandas e oferta laborais de xeito
máis eficiente.
Participarán, Fabio Manca, coordinador de Big Data, Dirección
de Emprego e Asuntos Sociais da Organización para a Cooperación e o
Desenvolvemento Económico (OCDE) e Zeltia Lado, directora Xeral de
Formación para o Emprego e Orientación da Xunta de Galicia.
Manca será o encargado de impartir a primeira das charlas, ás 12
horas, baixo o tÃtulo The demand for Skills in online labor
markets: Towards a Big Data approach and new tools for detecting
skills shortages and improving matching, que pretende ser unha
inmersión profunda na intersección da demanda de habilidades nos
mercados laborais en liña, o poder do Big Data e as ferramentas
intelixentes para enfrontarse á escaseza de habilidades e mellorar a
eficiencia no emparellamento laboral. Zeltia Lado, pola súa banda,
falará ás 12:25 horas sobre a iniciativa de Emprego Intelixente
(Emi), unha solución innovadora que usa a a Intelixencia Artificial
para mellorar a procura de emprego e a xestión de recursos humanos,
afondando en como enfrontarse aos desafÃos actuais no ámbito
laboral e en como o Emi beneficia tanto aos candidatos como ás
empresas.