Modernización subvenciona con 2,5 millóns de euros 62 novos proxectos promovidos por empresas do sector TIC galego
martes, 23 de agosto do 2011
- Mar Pereira dirixe o departamento que convocou as liñas de axuda para o sector TIC
A SecretarÃa Xeral de
Modernización e Innovación Tecnolóxica destina
este ano un total de 2.544.000 euros a subvencionar 62 novos proxectos
innovadores impulsados por empresas do sector TIC galego. Asà se recolle na
resolución dunha orde de axudas, que hoxe publica o Diario Oficial de Galicia.
O obxectivo destas axudas é
contribuÃr ao impulso de proxectos innovadores por parte do sector tecnolóxico
galego. Con este fin, o departamento que dirixe Mar Pereira convocou o pasado
mes de marzo dúas liñas de axuda, unha orientada á creación de novos produtos e
servizos tecnolóxicos por parte das empresas TIC ou novas versións de produtos
xa desenvolvidos ou comercializados con anterioridade. A segunda liña de axudas
estaba orientada a subvencionar a elaboración de produtos ou prestacións que
melloren servizos de interese xeral para os cidadáns.
O departamento autonómico
resolveu financiar con 1.963.600 euros 50 iniciativas que encaixan nalgunha das
seguintes áreas: converxencia e accesibilidade IP, orientados á converxencia
entre a telefonÃa fixa/móbil e Internet asà como solucións que fomenten o
acceso a Internet de calidade desde calquera dispositivo distinto de móbil ou
ordenador; mobilidade, localización e GIS (sistemas de información xeográfica);
avance na TDT; eficiencia enerxética; mellora do fogar dixital; novas
utilidades TIC aplicadas ao transporte, loxÃstica ou sector marÃtimo que
aumenten a eficiencia e seguridade ou acaden unha integración entre outras
tecnoloxÃas.
Por outra banda a SecretarÃa
xeral achegará 580.900 euros a subvencionar 12 proxectos orientados a mellorar
as actuacións de interese xeral para os cidadáns a través das TIC como:
servizos sociosanitarios, desenvolvendo aplicacións para a prestación e xestión
de actuacións, especialmente as relacionadas coa saúde ou a dependencia
(teleasistencia, servizos e dispositivos de localización, de alarma, etc.); a
educación, mediante ferramentas de creación de contidos dixitais, plataformas
de aprendizaxe en liña, plataformas de control do alumnado na aula, ou outros
ámbitos de servizos electrónicos de interese xeral, non necesariamente
vencellados á Administración.
A concesión destas axudas
contan co financiamento do 80% do Fondo de Desenvolvemento Rexional FEDER, e
realizáronse en réxime de concorrencia competitiva.