Media Markt inicia en Ferrol o proceso de selección para a apertura do seu novo centro galego
luns, 1 de xullo do 2013
A cadea Media Markt,
especializada na distribución de electrónica de consumo e
electrodomésticos, anunciou oficialmente a semana pasada a apertura
dun novo establecemento en Ferrol, onde a compañía ten a previsión
de crear 50 postos de traballo. A elección de Ferrol como nova sede
galega da firma, a engadir ás da Coruña, Vigo e Lugo, ten que ver
coa potencialidade da cidade galega e da súa comarca e tamén, “coa
súa estrutura descentralizada”, en palabras de Media Markt.
Segundo engaden fontes da empresa, a vindeira incorporación de
Ferrol aos servizos da mesma achegará, a maiores, un número
importante de empregos indirectos, sobre todo coa contratación de
servizos de mantemento, loxística, seguridade e publicidade.
O establecemento, que
conta cunha superficie aproximada de 2.500 metros cadrados, é o
cuarto que a cadea abre na nosa terra e estará situado en Parque
Ferrol, unha área comercial de gran interese para a compañía por
estar “ben comunicada e achegar comodidades para os cidadáns”.
O proceso de selección
desta nova tenda xa empezou e estará vixente até o próximo 12 de
xullo. Os interesados poden enviar as súas solicitudes a través de
mm.ferrol.rrhh@mediamarkt.es, ou a través da web www.mediamarkt.es,
na sección de emprego.
Media Markt, que
actualmente conta con 70 establecementos en España, ten previsto
finalizar o ano con outras dúas aperturas máis, a de Ferrol e a de
Parets de Vallés, na provincia de Barcelona.