Logitech merca Blue Microphones

Nos últimos anos a marca Blue conseguiu facerse todo un nome cos seus micrófonos Blue e Snowball, de grande sona entre creadores de podcasts e músicos, e dende Logitech souberon ver a oportunidade e pecharon un acordo de compra pola compañía Blue Microphones para acelerar o seu crecemento neste ámbito, completando así a súa actual liña de produtos, que inclúe webcams e accesorios de audio e para gaming.
A compra de Blue Microphones por parte de Logitech pechouse por 117 millóns de dólares en efectivo, e non se limitaría á marca e ao catálogo de produtos de Blue, senón que o equipo da compañía tamén pasará a traballar para Logitech, de xeito que as compañías unen así forzas para desenvolver cada vez mellores produtos para un mercado de consumo cada vez máis esixente.