Igualdade estrea un servizo xudÃrico en liña para vÃtimas da violencia de xénero
luns, 26 de setembro do 2011
- Marta González é a secretaria xeral de Igualdade
A SecretarÃa Xeral da Igualdade pon hoxe
en funcionamento un servizo de asesoramento xurÃdico en liña a través da súa páxina web, onde ofrecerase
información personalizada e de balde ás usuarias, concibido como unha
ferramenta útil considerando que un asesoramento axeitado constitúe o primeiro
paso para saÃr dunha situación de violencia de xénero.
O obxectivo deste servizo é facilitar ás
mulleres o coñecemento dos seus dereitos e axudarlles a que adopten as
decisións máis axeitadas en cada momento. Son numerosos os casos de mulleres
inmersas en contornos de violencia de xénero que descoñecen os dereitos que as
asisten, o xeito de abordar a interposición dunha denuncia ou que unha correcta
exposición dos feitos e dos fundamentos de dereito ao longo de todo o proceso
son determinantes para unha resposta xudicial máis efectiva.
O
servizo xurÃdico en liña ofrecerá resposta en tempo real a consultas sobre
lexislación, violencia de xénero, conciliación, dereito de familia,
agresións ou acoso sexual, entre outras, garantindo o anonimato e a
confidencialidade da usuaria. Clarexará cuestións que con frecuencia suscitan
dúbidas e polo tanto xeran temor, tales como qué actuacións xudiciais pode
iniciar, se é necesario contar sempre coa asistencia de avogado/a e de
procurador/a ou que medidas urxentes pode solicitar.
O novo sistema en liña ten a
funcionalidade de xerar un rexistro de información a partires dos datos
relativos a cada consulta realizada, coa finalidade do seu posterior tratamento
estatÃstico. Como resultado, disporase de información sobre parámetros como o
número de consultas realizadas, temas obxecto de consulta, perfil das persoas
usuarias, sexo, idade ou lugar de residencia.
As consultas a través deste servizo poden
ser complementarias ás que se prestan de xeito presencial nos 78 Centros de Información ás Mulleres,
CIM, repartidos por toda Galicia.
Este servizo xurÃdico en liña está
enmarcado nunha serie de novidades que desde hoxe incorpora o portal de
Igualdade, que inclúe unha aplicación de Google Maps que permitirá ás persoas
usuarias localizar a localización dos CIM e consultar todos os datos de
contactos destes. O portal crea tamén novos espazos divulgativos, con micro seccións
para destacar perfÃs de mulleres que destacan como protagonistas da actualidade
pola súa contribución profesional ou persoal á igualdade e frases que son
relevantes polo seu simbolismo como referencia na igualdade de oportunidades.
A páxina incorpora asemade un novo servizo
que permitirá a subscrición aos boletÃns informativos que edita a SecretarÃa
Xeral da Igualdade para a súa recepción electrónica, amais da consulta de todos
os números publicados.