Galiciadixital recala na sede de ASPANAS en Ourense
venres, 10 de decembro do 2010
A mostra Galiciadixital segue adiante co seu
itinerario pola nosa xeografÃa, centrada na súa máis recente andaina en
dinamizar, no plano do lecer tecnolóxico, os emprazamentos onde é máis precisa
a dinamización tecnolóxica. É nesta liña onde se insire a nova sede da mostra
itinerante (alén da que posúe en San Mariño Pinario, en Santiago): a sede de
ASPANAS en Ourense. Deste xeito, Galiciadixital achegará neste local e durante
os vindeiros dÃas os seus contidos e ferramentas de costume, entre os que se
contan os xogos cos aerodeslizadores
en Compostela (percorridos virtuais pola cidade a velocidade de vertixe) ou co
canciño Axóuxere.
A mostra, organizada pola SecretarÃa Xeral de
Medios, foi inaugurada este venres polo delegado territorial da Xunta en Ourense, Rogelio MartÃnez.
Durante o acto de apertura, MartÃnez salientou que todo o que se ofrece na
mostra foi desenvolvido por empresas e universidades galegas á procura de novos
espazos de interactuación virtual. Asemade, amosou a súa satisfacción porque a
exposición fose dar desta volta a un centro que dá acubillo a persoas con
diversidade funcional, ASPANAS. Na inauguración tamén participou o director de
Comunicación da CRTV, Fernando Ojea, quen aproveitou a ocasión para lembrar que
este ano é o da celebración do 25 aniversario da TVG, feito que se está a
conmemorar arreo a través de Galiciadixital.
