Facebook merca Instagram por 1.000 millóns de dólares
luns, 9 de abril do 2012
Hai un
par de anos dous emprendedores botaron a andar Instagram como unha plataforma
social baseada nunha aplicación para iPhone, que a semana pasada
estreou versión para Android (superando
o millón de descargas en 24 horas), o que parece ser o catalizador do
anuncio que hoxe fai Mark Zuckerberg: Facebook vén de
pechar con Instagram un acordo de compra.
Zuckerberg considera que Instagram xa se complementaba moi ben con Facebook, e
tras a adquisición os equipos de ambas plataformas poderán traballar dun xeito
aÃnda máis próximo, asegurando que van continuar a mellorar Instagram fóra de
Facebook.
Instagram conservarase como marca independente e aplicación (sen pór
ningún tipo de atranco a compartir os seus contidos con plataformas alleas a
Facebook), converténdose esta operación nunha nova especialmente rechamante
por ser a primeira vez que Facebook faise cunha empresa con tantos usuarios. O montante
da operación serÃa duns 1.000 millóns de dólares entre accións e efectivo.