En marcha a web Mundo Lois para manter viva a obra de Lois Pereiro
venres, 4 de febreiro do 2011
O poeta Lois Pereiro (Monforte 1958 - A Coruña
1996), homenaxeado este ano na Festa das Letras, ten un novo sitio web (logo da posta en marcha de loispereiro.blogaliza.org, espazo
do que falamos xa en Código
Cero). A nova achega en liña, salientable se temos en conta o necesario que
é recoñecer as importantes contribucións artÃsticas dun poeta que para moita
xente aÃnda fica no anonimato, é un complemento do espectáculo Mundo Lois, que se estrea o 4 de marzo
no Auditorio de Vigo e que foi posto en marcha por un equipo de creadores
galegos entre os que se atopan Lino Braxe a Antón Reixa.
O portal, amais de
altofalante da dita obra teatral é un xeito de traballar pola vixencia dun
dos poetas galegos que máis contribuÃron a renovar as nosas letras e a propia figura
do autor literario, que Pereiro encarnou en parte coma unha recuperación dorida
(Pereiro sufriu durante anos as consecuencias dunha tráxica doenza sen cura e
morreu moi novo) do rianxeiro Manuel Antonio, outra alma da vangarda.
"Somentes
intentaba conseguir deixar na terra algo que me sobrevivise", dixo Pereiro sobre o seu legado e, se cadra de xeito indirecto,
sobre as consecuencias que este Ãa ter nos seus compañeiros nas letras. Este de
espallar a obra de Pereiro até onde se sexa posible (e máis alá) é, de feito, o
alicerce da web Mundo Lois, posta en marcha agora para relembrar ao poeta
e telo sempre presente.