Emetel pechou o exercicio do 2011 cunha facturación de preto de 3.200.000 euros
mércores, 11 de abril do 2012
A firma galega de solucións de comunicación e sistemas de
Redes, Emetel, vén de facer reconto do que dou de si o exercicio do pasado 2011,
un ano no que grazas á súa aposta polo desenvolvemento de innovación propia,
levouna a situarse como unha das empresas máis destacadas do sector TIC en
Galicia.
Din dende a entidade que este último año “supuxo un salto cualitativo” ao terse
materializado a apertura de novas oficinas en todo o territorio, que inclúen un
showroom para a creación de solucións
como a plataforma de monitorización
Insight, entre outras cousas.
Dende un punto de vista cuantitativo, Emetel mantén a
liña de crecemento que viña representando nos últimos 10 anos, e respecto ao
2010, o ano pasado aumentou a súa facturación nun 3,8%, cifra que para que nos
entendamos supón uns 3.200.000 euros.
E todo iso contando coa importante inversión de medio
millón de euros que Emetel precisou para a apertura das novas oficinas, nas que
se reforzou o departamento de I+D+i, recalcando así a importancia desta área de
negocio para a firma galega.
O director xeral de Emetel, Manuel Lago Vecino, explica
orgulloso o que significa para a compañía ter rematado o ano cunha marxe de
beneficios considerable: “nun marco tan
inestable como o actual, acabar un exercicio en positivo é unha gran noticia,
sobre todo cando para nos 2011 foi un ano de cambios”, ao que engade que “a nosa aposta polo desenvolvemento de
tecnoloxía propia implicaba facer un esforzo plasmado no aumento do
investimento e unhas novas oficinas que nos faciliten aumentar a nosa
capacidade de innovación”.
Entre todos os proxectos que Emetel levou a cabo durante
2011 e que a fixeron destacar como unha das empresas máis punteiras do sector
en Galicia, destaca a creación da plataforma de monitorización Insight, implantada xa en empresas como
Navantia e o Grupo Lantero, e institucións públicas como a Deputación de Lugo
ou o Concello de Ourense.
Para este ano 2012, os responsables das liñas de negocio
da compañía avanzaron que van ampliar os seus servizos e campos de traballo, “reforzando a inversión en novas liñas estratéxicas”
como a eficiencia enerxética, o marketing dixital ou a materialización dun
convenio de colaboración coa Universidade da Coruña.