China marca distancias no cumio do ranking en número de internautas
xoves, 10 de febreiro do 2011
Dicir que China é un paÃs con moitos
internautas non é dicir moito. Pero si que ten o seu aquel dicir que é o que máis
internautas ten no mundo, porque nos dá unha idea do que está medrar
tecnoloxicamente o xigante asiático, tanto neste eido como no económico e
cultural. De feito, ter moita poboación non quere dicir que teñamos moitos
usuarios das novas tecnoloxÃas. Proba disto é o que acontece nos paÃses nórdicos,
que até hai pouco tiñan máis usuarios das TIC que outros Estados con moito máis
volume de poboación. Leas aparte, a verdade é que todo isto non é nada novo.
China é o paÃs con máis xente redeira dende
hai tres anos, a novidade reside en que cada vez lle saca máis cabezas aos seus
perseguidores.
Segundo se fai saber nas nas
últimas estatÃsticas feitas ao respecto, o paÃs darÃa acubillo en 2010 a máis
de 450 millóns de internautas. Asemade, en só tres anos, pasou de ter 200 millóns
a ter a devandita cifra actual, deixando fóra, con diferenza, a EE UU, que tiña
a honra de ocupar o primeiro posto até 2007.
Sobre estes e outros logros ofrece estes dÃas
unha exhaustiva reportaxe o blog da CMT, onde se fai fincapé (entre outras
cousas) no número de chinesas e chineses que no ano que vimos de deixar atrás
descubriron as marabillas da
Sociedade da Información: 73 millóns. Cómpre pensar que as cifras, astronómicas,
están en proporción co volume de poboación do paÃs: 1.300 millóns e subindo.
Quere isto dicir que se tocou teito? En absoluto. As cifras deixan ver un
panorama de medre tecnolóxico e dixital constante, con millóns e máis millóns
de persoas estreándose cada ano perante o computador, entre outras cousas
porque a taxa de exclusión dixital aÃnda é moi alta no paÃs, malia as aparencias,
e a metade dos cidadáns aÃnda non emprega as redes. Estas e outras cifras
proceden do Centro
de Redes de Información Chino (CNNIC), que salienta outros detalles a ter
en conta:
A penetración da banda larga é do 98%
Hai máis de 300 millóns de usuarios de
Internet móbil
As compras en liña acadaron un medre anual
de 48,6%