Chega unha nova edición dos campamentos tecnolóxicos de La Molinera
mércores, 29 de maio do 2019
O
Concello de Ourense, a través da Concellería de Promoción
Económica no Centro de Innovación e Coñecemento La Molinera,
organiza
unha nova edición dos Campamentos Tecnolóxicos de Verán La
Molinera Kids 2019, unha aposta municipal pola educación non
formal e, tamén, por introducir dunha forma lúdica e eficaz á
rapazada nas prometedoras vertentes da investigación tecnolóxica e
científica.
Estas
actividades están destinadas a mozos e mozas entre 8 e 16 anos co
obxectivo de que empreguen o seu tempo de lecer no verán
participando nas actividades de carácter lúdico, cultural,
tecnolóxico e formativo, “que sirvan non só para divertirse,
senón tamén para o enriquecemento persoal e vital”, informa o
Concello.
Ofértanse
150 prazas para todos os obradoiros, 30 por cada campamento.
•
Campamento I, Audiovisuais. Do 24 ao 28 de xuño. De 9:30h a 14:00
horas. Creación de stop-motion; creación dunha curtametraxe
de animación 3D; eSports.
•
Campamento II, Realidade Virtual. Do 1 ao 5 de xullo. De 9:30 a 14:00
horas. Creación do seu propio mundo virtual; creación de animacións
360º; eSports.
•
Campamento III, Arquitectura 3D. Do 8 ao 12 de xullo. De 9:30 a 14:00
horas. Creación dunha vivenda en 3D; eSports.
•
Campamento IV, Drons. Do 15 ao 19 de xullo. De 9:30 a 14:00 horas.
Pilotaxe dun dron; simulador de drons; eSports.
•
Campamento V, Vídeoxogos. Do 22 ao 26 de xullo. De 9:30 a 14:00
horas. Creación do seu propio videoxogo; creación da súa peza en
impresión 3D; eSports.
Poderán
solicitar praza rapazas e rapaces nacidos entre os anos 2003 e 2011,
ambos incluídos. As peticións deberán presentarse online a
través do formulario do espazo web de La Molinera. O prazo será
dende o luns, 27 de maio, até o mércores, 5 de xuño, ás 24:00h.
As prazas asignaranse por sorteo público, e as persoas admitidas
publicaranse na páxina web de La Molinera e no taboleiro da mesma.