As tabletas con Android contarán cun modo para facilitar o consumo de contidos
mércores, 5 de maio do 2021
Tras varios anos deixando as tabletas de lado, dende Google
lembraron que estes dispositivos con Android continúan a ter unha grande
presenza no mercado para usos máis básicos dos pretendidos inicialmente, ou
sexa, empregándose basicamente para o consumo de contidos, e para satisfacer a
este tipo de usuarios presentan
agora o Entertainment Space, un modo de funcionamento que pode lembrarnos a
Google TV, xa que presenta unha pantalla de inicio personalizada na que podemos
atopar de xeito doado as nosas pelÃculas, os programas de televisión, os vÃdeos,
os xogos e os libros, evitando ter que andar a saltar entre aplicacións para
atopar o que queremos ver, xogar ou ler.
Este modo de funcionamento tamén traballará en conxunción con aplicacións que
ofrezan contidos mediante subscrición, de xeito que cando introducimos o noso
nome de usuario e contrasinal os contidos dispoñibles poderán presentarse en
portada. Amais, a funcionalidade é compatible cos perfÃs persoais, de xeito que
cada usuario dunha mesma tableta pode ter o seu espazo de lecer de seu.
O Entertainment Space presenta as pelÃculas, as series de televisión e os
vÃdeos de YouTube baixo a pestana de Ver, na que esperan que tamén poidan
agruparse recomendacións de servizos como Twitch; na pestana de Xogos
teremos os videoxogos de Android, entre os que non faltarán recomendacións de
novos tÃtulos, que nalgúns casos incluso será posible probalos sen ter que
descargalos (valéndonos da función de instant play); e finalmente a pestana
de Ler serve de acubillo para os libros e audiolibros que teñamos
adquiridos a través de Google Play Books.
Este mes o Entertainment Space estrearase en tabletas dispoñibles na cadea
estadounidense de tendas Walmart, pretendendo chegar máis adiante a tabletas de
marcas como Lenovo e Sharp, dando a impresión de que co tempo rematará
converténdose nunha funcionalidade básica de Android en tabletas.