As charlas feministas da Deputación de Lugo convértense en Ciberfaladoiros
luns, 30 de novembro do 2020
Os
Faladoiros Feministas da Deputación de Lugo, convertidos en
Ciberfaladoiros co obxectivo de asegurar meirande protección
sanitaria ao tempo que se amplían as audiencias, proseguiron esta
fin de semana cunha nova sesión retransmitida en streaming a
través da
canle de Nomenklaturas Gestión Cultural en Youtube e que contou
coa presenza de Mabel Lozano presentado por vez primeira en Galicia o
seu libro PornoXplotación.
A
cita, na que as e os asistentes virtuais puideron participar a través
de Whatsapp, veu da man da Deputación de Lugo e do Foro Feminista
Maruxa Mallo. O obxectivo, unha vez máis, foi “concienciar sobre a
estrutura social patriarcal, empoderar ás mulleres e loitar contra
as violencias machistas”.
A
sesión do sábado, realizada dende os Cines Códex, xirou arredor
das investigacións desenvolvidas por Lozano para narrar a dramática
realidade da pornografía nos nosos tempos, unha realidade que
segundo apuntou a relatora, chega a todos os ámbitos das nosas
vidas, “traspasando fronteiras”.
Mabel
Lozano é modelo, actriz e presentadora. No 2007 comeza unha carreira
como documentalista polos dereitos humanos, e escribe e dirixe a súa
primeira longametraxe Voces Contra la trata de mujeres, onde
denuncia a compra venda de mulleres e nenas con fins de explotación
sexual.
Programación
decembro
Os
Faladoiros Feministas transformados en Ciberfaladoiros, adaptáronse
á nova normalidade a través da Rede e abrindo a grandes audiencias
este encontros de debate. A institución provincial colabora cunha
achega de máis de 13.000 euros e tamén coa difusión a través de
redes sociais e dos Servizos Audiovisuais provinciais.
Estas
xornadas continuarán no mes de decembro. O día 4, ás 19:30h, será
a quenda de Carmen Castro e o día 11, ás 19:30h, a de Sonia Ramos.
A retransmisión será online a través da canle de YouTube de
Nomenklaturas Gestión Cultural e a participación farase a través
de Whatsapp no seguinte número de teléfono: 690.117.254.