Amigus introduce á rapazada na programación con Micro:Bit cun novo obradoiro o 27 de agosto
luns, 22 de agosto do 2022
A
Asociación Amigus vai organizar este 27 de agosto unha nova sesión
dos seus Amigus Labs, un obradoiro de tecnoloxías abertas,
participativas e creastivas centrado desta volta na programación con
Micro:bit. Será no local de Amigus, no 14 da praza do Hospital das
Pontes, en horario de 10.00 a 13.00 horas.
O
obradoiro de programación con Micro:Bit é unha actividade para
fomentar o interese e o achegamento dos nenos de maneira lúdica ao
mundo da robótica e a programación, descubrindo a linguaxe en
bloque, as matemáticas, a ciencia e a tecnoloxía “de forma
divertida e colaborativa”, explica a asociación tecnolóxica das
Pontes, engadindo que se tratad unha actividade dirixida a nenas e
nenos de idades comprendidas entre os 7 e os 12 anos.
Amigus
tamén explica que no obradoiro porase o foco na tecnoloxía BBC
micro: bit, unha pequena tarxeta electrónica programábel de 4×5 cm
lanzada pola BBC británica no ano 2015 co obxectivo de que máis dun
millón de nenos/as e mozos ingleses aprendesen a programar de xeito
doado e lúdico. No ano 2016 a Fundación Educativa Micro: Bit asume
este proxecto co propósito de promocionar a aprendizaxe da
programación e a robótica entre os mozos a nivel mundial.
O
curso é gratuíto, as inscricións formalizaranse por orde de
rexistro, temos
toda a información e inscrición na web de Amigus.