AJE Ferrolterra retoma a actividade cun obradoiro de networking e dúas xornadas sobre dixitalización
luns, 24 de maio do 2021
AJE
Ferrolterra retoma a actividade este mes de maio con varias xornadas
que se poñen en marcha esta semana. En primeiro lugar este mércores
26 de maio, ás 09.00 horas no Parador de Ferrol, terá lugar unha
nova sesión de networking cun aforamento limitado a 20
participantes, das que, segundo informa a organización, quedan as
últimas para completarse, e garantindo todas as medidas de
seguridade. En palabras de AJE Ferrolterra, “trátase dunha xornada
na que os participantes poderán presentar os seus negocios e facer
contactos en dous minutos ao resto das persoas asistentes”.
Tamén
se iniciarán esta semana as xornadas de dixitalización con dúas
sesións que se celebran os días 26 de maio e 2 de xuño en horario
de 16:30h a 19:00h e que tratarán, respectivamente, sobre Marketig
dixital e ferramentas aplicadas á promoción da empresa,
impartida por Leticia Prada, e sobre Oficina Virtual: ferramentas
para a dixitalización do teu negocio impartida por Eva González
de Computer-3.
As
persoas interesadas en participar en calquera das xornadas poden
inscribirse na través dun formulario
específico online para o networking e outro para
as xornadas de
dixitalización.