A UDC abre ao público xeral as instalacións do CITEEC cunha visita virtual
xoves, 12 de novembro do 2020
A
Agrupación
Estratéxica do Centro de Innovación Tecnolóxica en Edificación e
Enxeñaría Civil (A-CITEEC) puxo a disposición do público en xeral
o CITEEC e outros laboratorios da UDC cunha visita virtual. O
formato deste percorrido interactivo é de panorámicas en 360 grados
das instalacións dos laboratorios, con vídeos explicativos de
varias das investigacións que se están levando a cabo, ademais de
documentación e enlaces a páxinas web.
A
Agrupación Estratéxica promoveu ademais unha sección virtual
destinada á divulgación científica infantil, a Mini CITEEC, con
vídeos breves dirixidos a nenos e nenas nos que se explica “de
forma clara e atractiva” o que se investiga nos laboratorios de
Hidráulica e de Portos. A estes unirase outro audiovisual sobre o
laboratorio de Construción. A
visita virtual pode facerse xa a través da páxina web da
Universidade da Coruña.