A Facultade de Informática da UDC entrega o VI Premio ao Mellor TFG Aplicado

martes, 13 de abril do 2021 S. P.

Este venres 9 de abril entregáronse finalmente as distincións do sexto Premio ao Mellor TFG Aplicado da Facultade de Informática da UDC, no que colaborou o Centro de Investigación TIC (CITIC). Este galardón recoñece aos mellores traballos de fin de grao presentados no curso 2019/2020, destinado ao alumnado con cualificación de Matrícula de Honra. A sexta edición do premio estivo patrocinada polas empresas Imatia Innovación, Inycom, Everis e Aldaba.
Desta forma, a FIC entregou un premio ao TFG ganador, valorado en 1.500 €, e dous accésits valorados en 500 €. Noé Vila Muñoz foi o gañador do premio, mentres que os accésits recaeron en Andrés Molares Ulloa e Bieito Beceiro Fernández.
No acto de entrega, retransmitido por streaming, os finalistas defenderon os seus proxectos ante un tribunal formado por representantes das empresas patrocinadoras e por membros da FIC. Os cinco finalistas foron:
· Bieito Beceiro Fernández – Parallel-FST: Aceleración de algoritmos de selección de características mediante computación paralela.
· Francisco Bretal Ageitos – Plataforma para a xestión de proxectos de etiquetado de mostras de fitoplacton.
· Andrés Molares Ulloa – Sistema para o asesoramento en pechaduras preventivos en na ría de Vigo por mor de biotoxinas lipofílicas.
· Diego Suárez García – Ferramenta para avaliar o dano producido no ADN espermático de centola a través da análise de células cometa.
· Noé Vila Muñoz – Aplicación móbil para a realización e seguimento de rutinas en nenos/as con TEA.

PUBLICIDADE