A AGGETT ultima os detalles do Congreso Internacional de Drons de Ourense
martes, 28 de marzo do 2017
A Asociación Galega de Graduados e Enxeñeiros Técnicos de Telecomunicacións (AGGETT) é unha entidade bastante descoñecida para a sociedade galega que busca unir aos titulados galegos en enxeñarías técnicas de telecomunicacións e representar tamén ao COGITT/AEGITT na nosa terra, polo que quixemos transmitirlles algunhas preguntas sobre a súa actividade. Ademais, dáse a circunstancia de que estes días os seus integrantes están mergullados na organización da primeira entrega do Congreso Internacional de Drons (DIC Galicia 2017), que se vai celebrar entre o 31 de marzo e o 2 de abril no Pazo dos Deportes Paco Paz e en Expourense. Serán tres días para xuntar técnicos, empresarios e seareiros destas tecnoloxías, analizar os últimos avances no sector e amosar a manchea de aplicacións e oportunidades de emprendemento e emprego que atesouran estes sistemas. Falamos destes e outros asuntos con José Manuel Martínez Pérez, presidente da AGGETT.
-Dende
cando existen a vosa
entidade
e que levou á súa creación?
-A
Asociación Galega
de Graduados e Enxeñeiros Técnicos de Telecomunicacións
oficialmente acaba de cumprir o seu segundo aniversario, fundouse en
febreiro
de 2015, nembargantes
o espírito unificador do colectivo xa levaba moito tempo buscando a
forma de presentarse en forma de institución e con reunións
continuas coa Asociación
Española de Graduados e Ingenieros Técnicos de Telecomunicaciones
e co Colexio
Oficial de Graduados e Ingenieros Técnicos de Telecomunicaciones
que son os organismos que nos representan a nivel estatal. Máis
importante que a data é o percorrido que levamos nestes dous anos e
os resultados, dos que estamos moi satisfeitos, e as sensacións son
moi boas. Seguiremos a
traballar
duramente na defensa da profesión e en contribuír ao prestixio
social, laboral e científico dos graduados e enxeñeiros técnicos
de telecomunicacións de Galicia.
-Entre
as actividades que estades a organizar destaca o
devandito Congreso
Internacional
de Drons
en Ourense.
Entendemos que ese encontro servirá para amosar ao público de xeito
simultáneo moitas das competencias que ostentades dos enxeñeiros
técnicos de Telecomunicación...
-Vexo que captaches a idea perfectamente. O que buscamos é amosar as
institucións e a sociedade en xeral unha máis das nosas infinitas
actividades, competencias ou traballos do día a día. Nin tratamos
de esixir nada a ningunha institución, nin somos quen, nin é a nosa
faceta; senón todo o contrario, o que buscamos é aportar os nosos
coñecementos para a mellorar. A
listaxe de
áreas nas que está inmerso o graduado ou enxeñeiro técnico de
Telecomunicacións
é case infinita. A sensorización dos barcos, coches ou avións non
tripulados, dado que todos son drons. O tratamento de imaxes, as
comunicacións deses sensores e a información que poden recoller,
mesmo
de transmitila a un sitio remoto e tratala en tempo real. Os telecos
facemos
os sensores, procesamos a información, transmitímola de forma
segura e analizámola.
O
Congreso
DIC Galicia, ten dúas finalidades. A primeira, como perfectamente
definías, trata de amosar ao público as nosas competencias, pero
tamén de achegarlle os nosos resultados, o que se prevé que sexa o
futuro inmediato. Que se acheguen
á
tecnoloxía e que non teñan medo, posto que estamos para solucionar
problemas e facilitar o día a día, para iso propuxemos
un congreso aberto, con entrada libre até
completar aforo, e integrando unha xornada lúdica e de familia para
que dende nenos e coas familias se acheguen a desfrutar das novas
tecnoloxías, das telecomunicacións e neste caso dos drons.
Co
Drones International Congress - DICGalicia, dende a Asociación
Galega de Graduados e Enxeñeiros Técnicos de Telecomunicacións
tamén queremos atraer á mocidade e aos que están a
buscar a
súa profesión ou non saben que estudar, unha profesión con futuro,
que non deixa de ser divertida e que saiban cal é o camiño que
deben seguir para que sexan eles os vindeiros telecos,
que despois dun breve camiño, saiban que serán capaces de facer
proxectos como estes e seguro que mellores.
Somos
consciente da relevancia que terá este congreso a nivel nacional e
internacional, e iso fainos sentir orgullosos, pero é algo que
debemos agradecer a todos os colaboradores e patrocinadores,
especialmente ao Colegio
Oficial de Graduados e Ingenieros Técnicos de Telecomunicaciones,
á Xunta de Galicia, á Deputación Provincial de Ourense, á Axencia
Galega de Innovación e á Universidade de Vigo, dado que se sumen a
un proxecto como este cos ollos pechados, poñendo toda a “carne na
grella”,
convencidos e escoitando todas as necesidades, fai que todo sexa máis
doado.
Coa implicación, predisposición e a facilidade para emprender
proxectos conxuntamente, fai que un evento así poida ser exitoso, e
o mérito é de todos e cada un dos que o fai posíbel,
e non só da AGGETT.
-Malia
estarmos rodeados de tecnoloxías de telecomunicacións, dá a
impresión de que os profesionais que as desenvolven e implantan son
uns completos descoñecidos. Resulta tan complicado dar visibilidade
ao voso colectivo?
-Casualmente,
a figura do graduado
ou enxeñeiro
Técnico de Telecomunicacións está presente no en máis do 80% da
vida diaria de calquera persoa, empresa ou institución. Darlle
visibilidade non é doado para o público xeral. Cando falas con
amigos e coa familia, as veces fanche esa pregunta do millón: “Pero
o teleco
que fai?”. A resposta é doada: “Ti pensas que a televisión
funciona por arte de maxia, o teléfono, Internet,
a radio, e case que calquera cousa que te poidas imaxinar.”
Parece
que todo funciona de por si, sen que ninguén actúe e traballe por
detrás. Darlles
visibilidade a eses profesionais é difícil, e considero que dende a
AGGETT o estamos facendo moi ben, que a maiores de defender a
profesión, os intereses dos profesionais e amparar as competencias e
atribucións, tamén temos a responsabilidade de mostrar e poñer en
valor a figura do graduado e do enxeñeiro técnico de
Telecomunicacións,
sobre todo dentro do territorio autonómico galego. Unha faceta que
leva consigo unha grande responsabilidade, pero que concretamente en
Galicia contamos cos profesionais mellor recoñecidos a nivel
internacional, cos máis prestixiosos e cuns graduados e enxeñeiros
técnicos de Telecomunicacións
dos mellor formados e acreditados, do que gran parte de “culpa” a
ten a Escola de Enxeñaría de Telecomunicacións da Universidade de
Vigo. Todo isto xunto co traballo coas institucións facilita a nosa
labor ao fronte da AGGETT.
-Por
tradición
asociábanse
as telecomunicacións ás antenas de radio e televisión e ás redes
de telefonía, pero nas últimas décadas o ámbito foi medrando até
abordar un amplo abano de competencias. Cales serían as áreas nas
que actualmente traballades nas que é máis difícil imaxinar que
hai un enxeñeiro técnico de Telecomunicacións
detrás?
-Como
bo galego quero responder. En que área non traballa un graduado ou
enxeñeiro técnico de Telecomunicación?
Nas últimas décadas a presencia do graduado/enxeñeiro técnico de
Telecomunicacións
está presente, antes dicía no 80%, pero atrévome a dicir que en
máis do 95% do día a día de calquera (e subliño o de “calquera”)
persoa, institución ou faceta diaria.
Recentemente
estivemos reunidos co Colexio Oficial de Enxeñeiros Técnicos
Agrícolas de Ourense. A presencia do graduado ou enxeñeiro técnico
de Telecomunicación
xa está moi presente no sector agrícola, en sistemas de agricultura
de precisión, e temos varios exemplos de compañeiros do sector
traballando en Galicia. Pois a laranxa do zume das mañas fora
regada, recollida ou clasificada por un sistema deseñado por un
graduado ou enxeñeiro técnico de Telecomunicacións
guiado por un técnico agrícola. Así como a automatización do
sistema de muxido das vacas de leite, o proceso de conservación e
envasado tamén estea desenvolvido
por un graduado ou enxeñeiro técnico de teleco.
No
ámbito naval, en comunicacións, en radares, en comunicacións
submarinas, e
en emisoras de barcos de pesca. Mesmo,
xa mirando para o próximo Congreso Internacional de Drons de
Galicia, no ámbito da pesca, no que en Galicia somos referencia, xa
se traballa en proxectos de barcos non tripulados que traian a pesca
a porto. Neses proxectos hai varios compañeiros enxeñeiros técnicos
de Telecomunicacións.
Tamén en sectores de deportes de elite, no
seguimento
de deportistas, a
cronometraxe
de regatas, o tratamento de imaxes no coñecido ollo de falcón no
tenis, e sistemas similares en fútbol, remo, atletismo... No
tratamento de sinais de radio, de redes de comunicacións,
telemáticas e programación. En sistemas de insonorización e
tratamento de sinais acústicas e do ruído.
Por
exemplo, a
revista Código Cero
foi editada seguramente nun ordenador, que seguramente conta coa
participación dun graduado ou enxeñeiro técnico de
Telecomunicacións.
Ese ordenador está nunha rede da empresa. Que enviou a través da
nube, a unha imprenta estas páxinas, que probablemente a través dun
sistema automatizado (faceta que tamén fai un graduado ou enxeñeiro
técnico de Telecomunicacións),
imprime a revista, e un repartidor coa súa PDA vai repartindo
segundo lle indique un sistema de reparto. En todo este proceso están
presentes
os profesionais que representamos e defendemos, sempre e cando non a
lea en formato dixital nunha tableta, móbil ou ordenador e
descargado da Rede.
Probablemente ese repartidor, nun futuro próximo sexa piloto de
drons que o reparta a distancia, por que non?
Un
dos meus últimos proxectos foi a automatización dunha fábrica de
cervexa. A quen llo contes pode ter dúas reaccións, ou quérete
contratar ou lle dá
a risa. Un teleco
“facendo cervexa” non deixa de ser algo
rechamante.
Tamén estamos nos bares, co cal dámoslle cobertura e supervisamos
todo o proceso, que tamén é importante, non? Podería seguir
durante horas, pero o que trato de facer entender é que pensemos en
como se fan as cousas e no mundo de hoxe en día, que quede claro que
a figura do graduado ou enxeñeiro técnico de Telecomunicacións
está presente en case a totalidade da nosa vida. Hoxe case todo se
pode facer, e levar eses proxectos tecnolóxicos a realidade forman
parte do día a día do graduado ou enxeñeiro técnico de
Telecomunicacións,
sexa no campo que sexa.
-Volvamos
ao ámbito dos vehículos aéreos non tripulados. Nos
últimos meses están a desenvolverse en Galicia numerosas
iniciativas encamiñadas a avanzar no eido dos drons e mesmo
hai quen
apunta ao espazo. Estamos simplemente a explorar espazos de alta
innovación buscando nichos nos que facer negocio ou xa está claro
que a nosa comunidade pode chegar a ser unha potencia en industrias
que até hai pouco nos resultaban totalmente alleas?
-Dende
a AGGETT, témolo moi claro e podémolo demostrar facilmente a quen o
demande. En Galicia, hai un gran
potencial para levar a cabo proxectos que a veces tachamos de
imposíbeis.
Galicia é referente en novas tecnoloxías. As empresas tecnolóxicas
galegas son pioneiras en proxectos innovadores e de novas
tecnoloxías. Tanto as empresas como os enxeñeiros, concretamente os
que están relacionados con nós, como son os graduados e enxeñeiros
técnicos de Telecomunicacións,
están presentes nos proxectos de referencia a nivel mundial,
ostentando os cargos de maior responsabilidade en centos de empresas
e iniciativas innovadoras. Galicia é referente tecnolóxico, iso
podémolo ter ben claro, e debería ser unha aliciente para seguir
mellorando e seguir traballando da maneira que se está facendo.
Moi
poucos son conscientes do potencial e do ben representados que
estamos ao longo e ancho do planeta polos graduados e enxeñeiros
técnicos de Telecomunicación
galegos. En moitos encontros que temos ao longo do ámbito
estatal e
no estranxeiro (na corta vida da AGGETT e nas facetas profesionais
anteriores), sempre atopas unha empresa tecnolóxica galega que
traballa para un proxecto relacionado ou para unha empresa coñecida.
No último encontro de nadal do COGITT, atopeime cunha multinacional
estadounidense que contrataba os traballos tecnolóxicos a unha
empresa de O Porriño e a outra de O Carballiño. Creo que é algo do
que podemos estar orgullosos de iso.
Non
obstante, é algo no que temos que traballar a
fondo,
dende a AGGETT, así como implicar ao resto de institucións coas que
temos relación. Temos un traballo pendente moi importante, que é o
de saber transmitir ao
xeito
estas iniciativas. Cómpre
esforzarnos en amosar e difundir os traballos e proxectos innovadores
que saen dende Galicia. Seguramente non sexamos os mellores a nivel
mundial, pero tampouco os peores. Pero que quede ben claro que
estamos entre os mellores e
por iso debemos estar tranquilos e orgullosos, inda que iso non pode
facer que nos relaxamos, dado que para seguir mellorando temos que
implicarnos todos con máis esforzo.
“Un
gran poder, leva consigo unha gran responsabilidade.” O poder
seguramente non sexa moi grande, pero a responsabilidade que temos
dende a AGGETT é enorme, e unha
delas
é dar a coñecer o que se fai aquí. Para iso, precisamos das
institucións públicas, da prensa, da universidade e de todos e cada
un dos que estades lendo isto. Temos que comezar a presumir do noso
potencial, porque podemos facelo. Podemos facelo, porque o temos. As
novas tecnoloxías galegas, os proxectos de telecomunicacións
galegos son a envexa fora. Tal vez, precisemos poñelos máis en
práctica na nosa comunidade, coa axuda de todos, para que o vexamos.
Parece que se non o vemos, non o creemos.
Galicia
soubo aproveitar a explosión tecnolóxica como ninguén. Recórdame
moito ao cambio de modelo económico de Israel, que pasou de ser un
país que baseaba a súa economía na exportación de laranxas, a ser
recoñecido como o segundo ecosistema máis emprendedor do mundo.
Pois aquí estase a traballar correctamente. O único que nos falta é
transmitilo ben para que se nos recoñeza, porque tal vez non sexamos
nós o primeiro ecosistema tecnolóxico máis importante a nivel
mundial, pero estamos moi arriba.
-Tamén
estamos a ver o contraste de que, canto máis presentes están os
smartphones
nas nosas vidas, menos relevantes resultan as súas novidades. O
mesmo pode dicirse de moitas outras promesas como a domótica ou a
Internet das Cousas, que aínda que teñen moito camiño por
percorrer, parecen abocadas a ser tecnoloxías ubicuas. Estamos moi
lonxe de ver como todo iso que algúns chaman novas
tecnoloxías
pasen a considerarse servizos universais como a auga corrente?
-Semella
que
eses tempos xa chegaron. Aquí, en Galicia, dada a nosa situación e
disposición xeográfica, parece que tardamos un pouco máis en
chegar a ese momento, pero creo que hoxe en día o planeta está
conectado, mesmo
Galicia.
O que é un potencial brutal para adaptar o noso modelo económico e
empresarial, dado que o capital humano e o potencial tecnolóxico
galego é moi
de destacar.
O que podemos concluír que as telecomunicacións e as novas
tecnoloxías xa son servizos universais. Hoxe ou tes as túas redes
sociais, o teu televisor intelixente, o teu smartphone,
o teu Internet,
etc...