140.000 persoas ofrecéronse a esnaquizar o seu smartphone para facerse cun OnePlus One
venres, 2 de maio do 2014
A chegada ao mercado do prometedor OnePlus One, smartphone
que impresiona cunhas prestacións de alta gama a un prezo asumible, vén
precedida por unha promoción a través dos que 100 afortunados poderán optar
polo novo terminal polo prezo de 1 dólar, tendo a cambio que estragar o seu
smartphone actual (dunha selección de móbiles de alta gama), proposta que pode
parecer unha tolerÃa, pero que curiosamente sumou
máis de 140.000 aspirantes, dos que 100 recibirán un correo electrónico
durante a xornada de mañá para informalos de que foron escollidos para
participar desta campaña que permitiralles conseguir un OnePlus One antes de
que saia á venda.
As propostas para esnaquizar os terminais móbiles foron moi variadas e
orixinais, con persoas que propoñen xogar ao tenis co móbil como pelota, que
pretende destruÃr o smartphone cunha pistola caseira de patacas, que introducirán
o terminal en nitróxeno lÃquido para despois rematar de facelo faragullas cunha
trade, que lanzarán shurikens sobre o smartphone (entendemos que tras adestrar
coa última
aplicación de Axóuxere Games) ou que pretenden lanzar (sen retorno) o móbil
aos espazo.
En vista de que escangallar un smartphone de alta gama é algo que non foi visto
por boa parte do público, dende OnePlus aseguran que aos 100 elixidos permitiranlles
elixir entre destruÃr o terminal mediante o método prometido ou doalo a Medic Mobile, iniciativa sen arela de lucro
que recicla vellos móbiles para o seu uso por traballadores da saúde en áreas
remotas do mundo.
VÃdeo da campaña na que instan a destruÃr un smartphone a cambio dun OnePlus One