Os maiores poderán facer suxestións á Vicepresidencia da Xunta a través do correo electrónico
 A Vicepresidencia da Xunta de Galicia creou o enderezo de correo electrónico lecer@xunta.es coa fin de que tódolos maiores galegos que o desexen poidan achegar suxestións e comentarios para completar os contidos do programa Lecer para os nosos maiores presentado recentemente por Anxo Quintana.
Con esta iniciativa que se manterá ata o vindeiro 25 de xuño a Vicepresidencia pretende establecer un diálogo aberto cos maiores de Galicia para darlles un papel activo na sociedade galega. O programa consta de 4 grandes encontros festivos (1 por provincia) nos que se invisten 200.000 euros e ós que se prevé unha asistencia dunhas 60.000 persoas. As xuntanzas comezarán o 8 de xullo en O Carballiño, seguido de Vilalba o 23 de agosto, mentres que as localidades de Melide e Pontevedra deberán agardar ó mes de setembro.
Os eventos estarán presentados e animados por Xosé Manuel Piñeiro (presentador do Supermartes) e contarán tamén coa presenza de humoristas coma Farruco ou Carlos Blanco e orquestras coma Ledicia ou Amistade.
|
