Traballo e a CEG potenciarán o portal SALT

A conselleira de Traballo e Benestar, Beatriz Mato, asinou co presidente da Confederación de Empresarios de Galicia, Antonio Fontenla, un convenio de colaboración para a ampliación e o mantemento do portal SALT, que recolle información para licitacións internacionais A conselleira de Traballo, Beatriz Mato, asinou un convenio de colaboración para 2009 e 2010 co presidente da Confederación de Empresarios de Galicia (CEG), Antonio Fontenla, coa finalidade de manter e ampliar os servizos prestados dende o Servizo de Licitacións Internacionais da CEG a través do portal SALT. Este servizo ten coma obxectivo ofrecer oportunidades de negocio á empresa galega no mercado dos organismos multilaterais de desenvolvemento e mellorar a presenza das PEME galegas no mercado internacional.
Segundo o convenio asinado, a Consellería de Traballo subvencionará parte das accións incluídas na plataforma web, coma un servizo de alertas que avisa en tempo real ás empresas adheridas sobre os proxectos e licitacións que se publican.

[ler máis]

Telefónica unificará as chamadas metropolitanas e provinciais baixo unha mesma tarifa

A partires do vindeiro 1 de outubro Telefónica unificará as tarifas metropolitanas e provinciais segundo un documento interno da compañía, medida que afectaría a 4 millóns de liñas que non teñen contratado ningún tipo de servizo adicional.
Este esquema tarifario é o utilizado en países coma Alemaña, Francia, Italia ou Portugal, e suporá un cambio de prezos que reducirá o das chamadas provinciais aínda que incrementar o establecemento de chamada a 10 céntimos (fronte os 7,2 das chamadas locais e os 9,2 das provinciais).
Coas novas tarifas as chamadas metropolitanas e provinciais custarán 1,5 céntimos/minuto en horario comercial (de 8:00 a 20:00 horas de luns a venres) e 0,6 céntimos/minuto en horario reducido. Así, teriamos un incremento de prezo do 7% en chamadas locais en horario comercial, mentres que no resto de chamadas reduciríanse o prezo ata un 80%.

[ler máis]

A Xunta de Galicia compromete o seu apoio para crear o dominio .gal

Representantes da Asociación Puntogal reunidos co actual presidente da Xunta hai uns meses
Esta mañá unha representación da Asociación PuntoGal conformada polo seu presidente, Manuel González, o vicepresidente, Camilo Regueiro, e o secretario, Daría Janeiro, foi recibida por Mar Pereira, secretaria xeral de Modernización e Innovación Tecnolóxica e de Presidencia, e Anxo Lorenzo, secretario xeral de Política Lingüística da Consellería de Educación, quen transmitiron á asociación o apoio da Xunta de Galicia para a creación dun dominio para a lingua e cultura galegas, o .gal.
Dende a Asociación PuntoGal deron conta das xestións que se levaron a cabo a prol da consecución dun dominio galego na Internet, e adiantaron que cara a finais de 2009 agárdase que ICANN publique a guía final na que consten todos os requisitos que deben cumprir as candidaturas para obter o dominio e que esperan poder recibir as primeiras solicitudes no primeiro trimestre do 2010.

[ler máis]

**Os grupos de novas (newsgroups) avanzan cara a súa desaparición**

Nos comezos da Internet comercial, cando aínda non había nin Facebook nin foros vía web, tiñan moita importancia os newsgroups ou grupos de novas, que funcionan cunha tecnoloxía semellante á do correo electrónico, pero empregando coma destinatarios temáticas de interese en vez de persoas, e que incluso consultábanse dende (...)

[ler máis]

Bing comeza a ter en conta a Twitter nos seus resultados de busca

Leva meses rumoreándose que Google está a traballar nun sistema para tomar o pulso ás conversas que teñen lugar a través de Twitter, como un xeito de seguir a actualidade e así darlle relevancia en certas buscas, pero parece que Microsoft adiantouse, e Bing vén de engadir a Twitter nos seus resultados de busca, aínda que (...)

[ler máis]

GDGT, a plataforma de redes sociais dos gadgets

Os amantes dos trebellos electrónicos poden gozar a partires desta semana dunha nova plataforma de redes sociais chamada GDGT, obra de Ryan Block, editor xefe do blog tecnolóxico Engadget, e Peter Rojas, anterior profesional no mesmo cargo, polo que entendemos que estamos a falar dunha iniciativa claramente dirixida (...)

[ler máis]

Os sintonizadores de TDT con disco duro deberán pagar 12 euros de canon

Coa entrada en vigor do actual canon dixital anunciárase que os discos duros integrados en receptores de TDT quedarían exentos da taxa durante o primeiro ano de aplicación, de xeito que a partires de agora o receptores de Televisión Dixital Terrestre con capacidade de gravación en disco duro deberán pagar 12 euros para (...)

[ler máis]

R ofrécelles aos seus clientes rede de balde no móbil até finais de setembro

O operador galego R vén de anunciar unha interesante oferta para todos os seus clientes de móbil: a posibilidade de gozar de balde durante todo o verán do servizo de navegación de Internet a través do seu aparello. Amais do feito de ser gratuíto durante estes meses, unha das grandes vantaxes do servizo, informa R, (...)

[ler máis]

· A Rede de Dinamización supera as 24 mil persoas usuarias

· A Consellería de Traballo e a CEG potenciarán o portal SALT

· O Ministerio de Industria entregaralles sintonizadores de TDT a colectivos en risco de exclusión

· A CMT chama a consulta para modificar a normativa sobre WiFis municipais

· A revista 'Obradoiro de Artesanía' salta á rede

O público feminino de consolas de videoxogos chega ao 28%

Un estudo do NPD Group revelou que o entre os xogadores de consolas de videoxogos medrou o público feminino ata chegar ao 28%, o que supón un incremento anual do 5% no total de consolas e dun 19% no caso concreto da Wii de Nintendo, polo que Anita Frazier, de NPD Group, non dubida ao asegurar que «o último ano foi un dos máis transformadores da historia en termos de definición da audiencia dos xogos».

[ligazón permanente]

Windows 7 será algo máis barato que Windows Vista en Europa

Microsoft anunciou cales serán os prezos de Windows 7 en Europa cando se lance o vindeiro 22 de outubro, de xeito que as edicións Home Premium, Professional e Ultimate custarán 199,99, 309 e 319 euros respectivamente, existindo tamén actualizacións dende Windows Vista a 119,99, 285 e 299 euros respectivamente, o que supón unha rebaixa de prezos, pero tememos que finalmente non vaiamos a ver en España ofertas de lanzamento coma en EE.UU.

[ligazón permanente]

Google leva a publicidade ás aplicacións móbiles

O emerxente e xa importante mercado das aplicacións para dispositivos móbiles levou a Google a anunciar a apertura dunha versión de proba da súa plataforma publicitaria AdSense pensando nas mesmas, de xeito que os programas do iPhone ou de terminais con Android poderán incluír pequenos elementos publicitarios, rendibilizando así as súas creacións.
Polo momento o número de compañías aceptadas dentro destas probas será limitado, podendo os interesados solicitar a súa adhesión ao novo servizo.

[ligazón permanente]

GADGETS:

Móbil para facer videochamadas na escuridade

Samsung vén de introducir no mercado surcoreano o seu novo terminal de telefonía móbil Samsung SCH-W760, que inclúe unha pantalla AMOLED de 2,8 polgadas con resolución WQVGA, conectividade HSDPA de ata 7,2 Mbps e Bluetoth, lector de tarxetas microSD (inclúe unha de 8 Gb), sintonizador de televisión dixital S-DMB (só dispoñible en Corea), unha cámara de 3 Mpíxeles con flash e a posibilidade de captar vídeo con infravermellos, ou sexa, que funciona como cámara de visión nocturna, prestación moi habitual nas cámaras de vídeo domésticas, pero que sorprende ao incorporarse á cámara frontal dun móbil para facer videoconferencias na escuridade.

[ler máis]

· Reloxo que conta os largos que facemos na piscina

· Monitor USB rotatorio de 7 polgadas

VIDEOXOGOS:

The Punisher: No Mercy sae á venda a través da PSN

O personaxe de cómic creado por Gerry Conway, John Romita, Sr. e Ross Andru, The Punisher (El Castigador en España) xa saltou de medio en varias ocasións contando con 3 películas de pouco éxito e 2 videoxogos (un clásico para recreativas e un menos representativo título que saíu hai uns 4 anos para móbil, PC, Xbox e PS2) e hoxe chega tamén á PlayStation 3 a través do xogo descargable The Punisher: No Mercy, do que tamén pode descargarse unha demo de balde.
Este título elaborado por Zen Studios é exclusivo para a consola de Sony e está á venda por 9,99 euros, o que dá a entender que non estamos ante unha obra que pasará á historia, limitándose a ser un xogo de acción en primeira persoa que fai uso do motor gráfico Unreal Engine 3 e que foi desenvolvido pensando no público multi-xogador (con 6 modos distintos de ata 8 xogadores).