La Novia Cadáver contará cunha mostra na Fundación Caixa Galicia
 O certame Mundos Dixitais, que se celebrará na Coruña do 1 ó 8 de xullo, podería servir coma catalizador dunha exposición sobre a película La Novia Cadáver que terá lugar no novo edificio da Fundación Caixa Galicia de xeito que incluso o propio director cinematográfico Tim Burton podería visitar a cidade herculina.
A mostra sobre a película de animación pretende dar a coñecer a complexidade do proceso de produción deste tipo de obras, e inaugurarase 2 días antes da apertura de Mundos Dixitais, que este ano podería contar cun Festival de Animación para premiar curtas producidas dende primeiros de 2005 e realizadas sen finalidade comercial.
|
