nVIDIA publica novos drivers para Windows 7 Beta
mércores, 4 de marzo do 2009
nVIDIA vén de publicar uns novos
controladores para as súas tarxetas gráficas GeForce para Windows 7 Beta,
para tirar proveito deste novo sistema operativo que está a ser probado en todo
o mundo por centos de milleiros de persoas, o que indica un certo compromiso
por parte do fabricante para que o novo sistema operativo de Microsoft funcione
á perfección co seu hardware cando chegue definitivamente a súa versión
comercial.
Os controladores
GeForce versión 181.71 soportan o modelo de controladores de pantalla
para Windows (WDDM) v1.1, incrementando o rendemento e a fiabilidade tanto en
aplicacións 2D coma 3D (incluÃndo o contorno tridimensional do escritorio
Windows Aero).
Agardemos que grazas a esta previsión por parte de nVIDIA non se repitan
experiencias como as do lanzamento de Windows Vista, na que os
controladores gráficos provocaron moitos dos fallos de funcionamento do sistema
operativo de Microsoft.