iTunes supera a marca dos 3.000 millóns de cancións vendidas

Apple anunciou que a súa tenda de música en liña, iTunes, acadou os 3.000 millóns de cancións vendidas, consolidándose como a maior tenda virtual de música, series de televisión e películas do mundo cun catálogo que supera os 5 millóns de cancións, as 550 series de televisión e as 500 películas chegando incluso a superar a tendas coma Amazon na venda musical nos EE.UU.
O éxito da tenda de Apple vén da súa facilidade de uso e a súa integración cos reprodutores iPod (e mesmo co iPhone), que son sumamente populares nos EE.UU. o que fai que o índice de vendas desta tenda en Norteamérica sexa tan importante como para achegala á situación actual en tan pouco tempo.