YouTube repasa os vídeos que foron tendencia en 2012

YouTube rende tributo ao máis destacado de 2012 cun divertido vídeo

Os repasos do que deu o 2012 na Rede non cesan, e nas últimas horas é a xente de YouTube a que amosa a súa retrospectiva do ano, para lembrar os vídeos, persoas e momentos que máis atención captaron nos últimos meses, resultando evidente que o fenómeno estrela foi toda unha sorpresa: o surcoreano PSY co seu tema Gangnam Style, que conseguiu converterse no vídeo máis reproducido na historia de YouTube en poucos meses (estando a piques de chegar aos 1.000 millóns de reproducións) e que xerou numerosas versións, parodias e vídeos domésticos inspirados no seu videoclip.
A nivel mundial tamén destacaron as cancións Somebody That I Used to Knowde Gotye e o Call Me Maybe de Carly Rae Jepsen (esta última xerando tamén numerosas versións e parodias na liña do propio PSY), a campaña de protesta social KONY 2012, o debate entre Obama e Romney, un impactante anuncio da cadea TNT, o salto dende a estratosfera de Felix Baumgartner e outros acontecementos do momento que dende YouTube quixeron homenaxear cun divertido vídeo:

No caso español tamén temos unha listaxe de reprodución que permítenos repasar os vídeos que marcaron tendencia, encabezados por PSY, e seguidos principalmente por temas musicais. Para España tamén contamos cunha Retrospectiva de YouTube amosada en forma de cronoloxía interactiva: