Yoigo renova web co fin de dar mellor servizo aos usuarios que acceden dende dispositivos
xoves, 26 de xuño do 2014
Yoigo estreou esta semana
novo deseño na súa web. A idea
que sustentou o proceso de remodelado foi a de ceibar o conxunto de
todo o que servise de mero adobío ou atranco entre o usuario e a
información dispoñíbel. En definitiva, tratouse dunha aposta pola
accesibilidade, aplicábel a calquera tipo de dispositivo (móbil,
tablet, portátil ou computador de sobremesa). Para a
operadora, era da máxima importancia permitir as mellores condicións
de operatividade nos dispositivos móbiles. De feito, lembra, das
70.000 visitas de media que recibe cada día, case a metade fanse xa
dende estes terminais.
A empresa tamén sinala
que está a traballar para axilizar a renovación, nos vindeiros
días, do deseño da súa Tenda Online, co fin de achegar unha
experiencia de compra “moito máis doada e rápida” dende os
dispositivos móbiles. Por certo que durante uns días, a firma
manterá habilitada unha conta de correo (queteparecelaweb@yoigo.com)
co fin de que os usuarios acheguen as súas opinións e suxestións
sobre a nova feitura en liña, na procura de acadar “a experiencia
de navegación que mellor se afaga ás súas necesidades”.