Yahoo incorpora a primeira muller na súa xunta directiva
martes, 31 de xullo do 2007
- Maggie Wilderotter
En España a presenza de mulleres no mundo das TIC
hai tempo que é unha realidade, podendo citar como exemplos a Amparo Moraleda e
a Rosa María García nas presidencias das división ibéricas de IBM e Microsoft
respectivamente, o que en EE.UU. parece que se resiste a acontecer, de xeito que
esta semana se
incorpora a primeira muller ó cadro directivo de Yahoo.
Maggie Wilderotter convértese así na máxima responsable de comunicación cidadá
do buscador norteamericano, aínda que o feito de que sexa a única muller de 11 integrantes da xunta
directiva da empresa non parece un grande avance no que á diversidade de xénero
se refire, aínda que no nivel
administrativo da empresa a cousa está bastante máis equilibrada (cun
presenza feminina do 30%).
Wilderotter xa conta “con máis de 25 anos
de experiencia en empresas de telefonía, televisión por cable, informática e
medios interactivos” polo que estaría sobradamente cualificada para o seu
actual posto.