Yahoo! estrea un portal culinario

Yahoo! entra no mundo da cociña cun novo portal, Yahoo! Food, que achegará ós usuarios milleiros de receitas, consellos de cociñeiros con sona, guías de cociña en vídeo e ferramentas que axuden neste eido.
O novo sistema está orientado polo momento ó mercado estadounidense, agardando espallarse a outros mercados de fala inglesa.
Yahoo! Food é toda unha innovación para a empresa californiana, que crea así un portal que tanto permite ó acceso a receitas de cociña como axuda á formación dunha rede social de xente ó redor dos seus intereses culinarios.
Ademais, o portal emprega interesantes reclamos (actores coma Morgan Freeman) para achegar ós usuarios a visitar este espazo sobre o mundo da comida, que tamén se pode consolidar coma un interesante soporte publicitario, xa que o sector parece pouco explotado na Rede.