Xuventude de Lugo convoca a catro expertos para garantir as navegacións seguras na mocidade
mércores, 3 de maio do 2023
A
Área de Xuventude do Concello de Lugo vai levar a cabo catro
conferencias nas que profesionais de diferentes eidos falarán de
prevención, sensibilización e as relacións coas novas tecnoloxías.
Serán catro especialistas do ámbito nacional que expoñerán
distintos contidos relacionados coa prevención das adiccións
tecnolóxicas desde diferentes perspectivas. Farano
ao abeiro da cuarta edición do ciclo de xornadas Adiccións sen
substancia, organizada polo Concello de Lugo no marco do Plan
Municipal de Prevención de Drogodependencias.
Este
programa está pensado para público xuvenil, profesionais e
familias. A alcaldesa de Lugo, Lara Méndez explicou que estas
xornadas volven de novo xa que "consideramos moi importante e
necesario e máis nun momento no que esta problemática ten cada vez
maior incidencia entre os mozos e adolescentes, o continuar con estas
campañas de sensibilización que son fundamentais para previr a
aparición de adiccións entre os mozos sobre todo dar o contexto
actual de que cando nos referimos a unha adicción non só estamos a
falar xa de adiccións a substancias psicoactivas senón tamén a
adicións comportamentais ou psicolóxicas”.
A
primeira xornada celebrarase o día 4 de maio no Politécnico de
Lugo, ás 18.00 horas, a xornada xirará en torno ao noso
comportamento en redes: que son capaces de facernos sentir, se nos
produce malestar ou benestar, se nos conectan ou nos desconecta,
sendo estas e outras cuestións abordadas nunha sesión reflexiva que
estará dirixida por Patricia Gómez, doutora en Psicoloxía que
desde 2012 forma parte do grupo de traballo da Unidade de Psicoloxía
do Consumidor e Usuario da Universidade de Santiago de Compostela
(USC), onde desenvolveu a súa tese titulada O uso problemático
da internet e as Novas Tecnoloxías entre vos adolescentes galegos.
04
de maio. C.I.F.P. Politécnico de Lugo (18:00 h): Emocións e
redes, e viceversa (Círculo das Artes).
Relatora:
Patricia Gómez Salgado, doutora en Psicoloxía, Mestrado en Xestión
e Dirección de Centros de Servizos Sociais, Máster en Saúde
Pública e especializada en Educación Emocional.
11
de maio. C.I.F.P. Politécnico de Lugo (18:00 h): Uso
adecuado e critico das tic: seguridade, privacidade e identidade
dixital.
Relator:
José Torres Meira, experto universitario en investigación da
ciberdelincuencia, responsábel do Equipo de Investigación
Tecnolóxica da Policía Xudicial da Garda Civil de Pontevedra.
18
de maio. Círculo das Artes (19:00 h): Goce saudábel
e prevención do uso abusivo e a adicción a videoxogos.
Relator:
Jorge Flores Fernández, fundador e director de Pantallas Amigas.
Licenciado en informática pola Universidade de Deusto.
25
de maio. Círculo das Artes (19:00 h): Mozos, xogos de azar e outras adiccións
Relatora:
Ana Isabel Estévez Gutiérrez, doutora en Psicoloxía e Licenciada
en Psicoloxía, pola Universidade de Deusto.