Xornadas de software libre na comarca de Monforte

O departamento de informática do Instituto de Educación Secundaria A Pinguela, en colaboración co Concello de Monforte, vai organizar para os días 1 e 2 de febreiro as primeiras Xornadas de Software Libre de Monforte e comarca.
Os relatores encargados de dar a coñecer as posibilidades deste tipo de programas de fonte aberta nesta cita en concreto son Jesús Arribi Vilela, do Centro de Supercomputación de Galicia (que no seu relatorio presentará a iniciativa galega polo Software Libre, a través de Mancomun.org) e varios membros de GULO, Grupo de Usuarios de Linux de Ourense, que tentarán amosar a eficacia e fiabilidade dos Sistemas Operativos Libres, GNU/Linux.