Xopers.com: a rede social galega sobre comercio en liña
venres, 15 de xullo do 2011
Cómpre quedármonos con este nome: Xopers.com. E cómpre facelo por varios
motivos, comezando por un que consideramos de peso: trátase de algo
desenvolvido dende a nosa terra. Máis en detalle e segundo contan dende SectorTICGalicia,
estamos perante unha nova rede social de raizame galega, a engadir a experiencias
de éxito demostrado como Cabozo ou ikiMap, e que busca apoio nun elemento que
non sempre é doado de atopar ou de ver: a utilidade. Sobre isto, a utilidade de
Xopers.com semella tamén probada. De feito, baséase en algo no que case todos
estamos metidos pero que é grande e complexo de máis como para movérmonos con
total confianza. Falamos do comercio electrónico, unha lea que grazas a Xopers
semella máis doada.
A rede xorde coa fin de dar acubillo a quen
queira publicar produtos que atope pola Internet e dalos a coñecer a quen teña
os mesmos gustos. Estas afinidades lógranse co simple feito de concorrer na
rede social, xa que cada vez que merquemos un produto nunha tenda en liña
achegaremos información sobre os nosos gustos.
Todo isto que sobre o papel non parece ter
moita importancia, si que a ten para os que veñen detrás, os internautas de
tendencias semellantes que andan a procura de guÃa e consello. Segundo se fai
saber dende Xopers.com, todo comprador soe ter inclinacións previas, fiábeis
para outros compradores, polo que estariamos a falar dunha información de moito
valor para persoas con gustos semellantes. Esta é a clave de Xopers.com: tirar
proveito do devandito con feitura de seguimentos. AsÃ, quen estea rexistrado,
pode ver o que fan outros membros para constituÃr deste xeito as súas propias
listaxes persoais, que lles recomendarán a continuación outras posÃbeis
compras.
Segundo informan dende a comunidade en liña,
Xopers.com non só ofrece a opción de compartir artigos con outras persoas,
senón que tamén promove a comunicación entre eles. Para conseguir un fluxo de
intercambio de datos permanente, os membros poden empregar arreo a ferramenta
de publicación de estados, na que con 140 caracteres os usuarios teñen a opción
de deixar mensaxes a tódolos seus seareiros.