Xiaomi despide a preto do 10% dos seus traballadores na China

Tras uns anos en constante crecemento até converterse no fabricante de móbiles líder en España, Xiaomi sorprende cunha medida inédita no fabricante chinés: vai despedir a preto do 10% do seu cadro de persoal.
A compañía chinesa asegura que está a realizar unha optimización do negocio, pero son os propios traballadores os que están a dar conta en redes sociais dos despedimentos, que afectan principalmente ás divisións de smartphones e servizos en liña.
A redución de persoal sería consecuencia dunha baixada nas vendas de móbiles en China por mor dos confinamentos e da caída do consumo. De feito, as vendas de smartphones caeron a nivel global para todas as marcas, de aí que sexa necesario realizar axustes.
Haberá que ver como afecta todo isto aos traballadores fóra de China, e se tamén terá impacto na evolución da marca, que aspiraba a superar a Apple a nivel global nun par de anos.