Xbox Live cumpre 5 anos agasallando ós seus usuarios

Microsoft celebrara o quinto aniversario da súa plataforma Xbox Live con descargas gratuítas e promocións para os seus usuarios, que xa chegan ós 8 millóns. Dende a compañía de Redmond aseguran que «Xbox Live pasou de ser unha pequena comunidade de xogadores de 2 países a unha rede de lecer social en todo o mundo que ofrece acceso a xogos, música, películas e programas de televisión».
Ata o sábado pola noite Microsoft permitirá a descarga de balde do xogo Carcassonne para Xbox Live Arcade e os membros da comunidade dende 2002 recibirán de balde 500 Microsoft Points.