Xa se anuncian antivirus para o novo Windows 7
martes, 5 de maio do 2009
Coincidindo co lanzamento do Windows 7
Beta, que dende hai uns meses xa está dispoñible na súa versión Release Candidate (a inmediatamente
anterior á versión final do produto que podería estar dispoñible antes de
finais de ano), a empresa de seguridade Kaspersky, xa vén de
anunciar a dispoñibilidade dunha solución antivirus integral para o novo
sistema operativo de Microsoft.
Segundo vén de anunciar a firma, o seu
prototipo “xa foi probado por máis de
300.000 persoas en dous meses e medio”, un tempo que, segundo afirman, “permitirá que os produtos da compañía sexa
totalmente compatibles con Windows 7”.
A suite
de seguridade de Kaspersky estará dispoñible no mercado logo do lanzamento
oficial da nova versión do sistema operativo de Microsoft.
