Xa podemos presentar webseries ao Carballo Interplay, que vén con 5.000 euros en premios
venres, 2 de novembro do 2018
A
sexta edición do Festival de Contidos Dixitais Carballo Interplay
vén de abrir prazo de inscrición de contribucións: series en liña
xa consolidadas ou proxectos de series dixitais. A nova entrega do
certame, que como lembraremos desenvolverase os dÃas 3, 4, 5 e 6 de
abril de 2019, repartirá máis de 5.000 euros en premios. As
creadoras e creadores poden enviar as súas achegas desde hoxe mesmo
e até o 18 de febreiro a través da web www.carballointerplay.com,
de maneira cen por cen de balde.
Segundo
informa a organización, as webseries participantes deberán
ser producidas entre os anos 2017 e 2019 e ter un mÃnimo de 3
capÃtulos emitidos no momento da súa inscrición. Amais, poden ser
de calquera duración, temática, xénero, de imaxe real ou de
animación, estatais ou internacionais.
Entre
as series recibidas, un xurado composto por profesionais do sector
audiovisual e da cultura premiará a mellor webserie, a mellor
webserie internacional e a mellor webserie en versión
orixinal en galego con 800 euros e trofeo, para cada categorÃa. As
eleccións do xurado novo e do público obterán 400 euros e trofeo,
cada unha. Tamén haberá un premio ao mellor guión e un premio á
mellor dirección, dotados con 200 euros e trofeo. Finalmente,
entregaranse trofeos á mellor actriz e ao mellor actor.
Ademas,
o Carballo Interplay ofrecerá (por terceiro ano consecutivo) un
premio de 1.500 euros para o mellor proxecto de webserie en
galego. O galardón resolverase cun pitching en directo
durante o festival e a dotación económica deberá destinarse á
produción dos primeiros capÃtulos da webserie premiada, que
se proxectarán na sétima edición do festival.
A
organización do CIP (o Concello de Carballo e as cineastas Sonia
Méndez e Sandra Lesta a través de Interplay Produccións) lembra
que o CIP é a dÃa de hoxe un referente en contidos dixitais,
recibindo cada ano, na súa sección oficial, máis de 140 webseries
de todo o mundo.
