Windows 8 permitirá monitorizar o uso do ordenador que fagan os cativos
martes, 15 de maio do 2012
- Windows 8 mandará por e-mail un resumo da actividade dos menores
Que os nenos medran utilizando ordenadores non é unha
sorpresa, pois empregan este tipo de dispositivos para facer os deberes, xogar,
comunicarse cos amigos e consultar a web, pero para os pais resulta moi
complicado saber se están a facer un bo uso da tecnoloxÃa, de aà que Microsoft
decidise incorporar no futuro Windows 8 unha serie de medidas
que permitirán tanto establecer limitacións para o uso do ordenador por parte
dos cativos como para supervisar o seu uso.
En Windows 8, ao crear contas de usuario, será posible indicar que un perfil en
concreto corresponde a un menor, para activar o filtro de seguridade familiar
para tal usuario, o que inicialmente servirá para crear un informe semanal que
chegará aos pais por correo electrónico e que resume a actividade do pÃcaro no
ordenador, coñecéndose asà informacións como os tempos de uso ou as páxinas web
máis visitadas. Estas serÃan as medidas de seguridade básicas, pois tamén
poderÃan activarse filtros de navegación web (podendo definirse distintos
criterios que poden chegar ata permitir só o acceso a unha listaxe branca de
páxinas web), activando as buscas seguras (para non atopar contidos adultos nas
buscas de textos, imaxes e vÃdeos), establecendo tempos máximos de uso e
bloqueando aplicacións e xogos (incluso facendo que as aplicacións para adultos
sexan invisibles na Windows Store).
Dende Microsoft tamén destacan o feito de que os cativos empreguen contas de
usuario separadas evita que poidan acceder aos datos persoais dos seus pais
(e-mail, documentos...), permiten personalizar a súa configuración sen afectar
á do resto de usuarios e impide a descarga de malware (pois non poderán autorizar a súa instalación).
En definitiva, que Microsoft parece estar a tomar moi en serio o uso familiar
de Windows 8, o que agradecerán especialmente os proxenitores que queiran
certas garantÃas tanto para o seu equipo como para a súa prole.
Explicación en vÃdeo das funcións de seguridade familiar de Windows 8
- O acceso web tamén pode limitarse mediante distintos filtros