Western Digital completa a compra de SanDisk
xoves, 12 de maio do 2016
Esta semana as
autoridades reguladoras deron o visto bo á compra de SanDisk por parte de
Western Digital, o que permite que hoxe mesmo poida pecharse a operación de
adquisición que xa fora aprobada polo accionistas de SanDisk o pasado mes de
marzo. O prezo da operación é duns 19.000 millóns de dólares, nunha mestura de
efectivo e accións.
SanDisk é un dos fabricantes de tarxetas de memoria (e outros produtos de
almacenamento) máis populares a nivel mundial, mentres que Western Digital é
unha compañÃa máis coñecida pola fabricación de discos duros, de xeito que
temos liñas de negocio que converxen sen problema.
SanDisk manterá a súa dirección e a súa sede en Irvine (California). Tamén
continuará a alianza entre SanDisk e Toshiba para deseñar memorias NAND (que
estendeuse a tecnoloxÃas NVM e 3D NAND).
