Wecoop: plataforma para impulsar o traballo colectivo a prol do noso audiovisual
luns, 17 de outubro do 2011
Non todo está inventado na metodoloxÃa para
darlle corpo aos proxectos audiovisuais que teñamos entre mans. Que non nos
peta seguir as canles tradicionais para xerar, producir, presentar, distribuÃr
e comercializar un produto? Pois nas redes hai un mundo por explotar. Asà o
entende o produtor e voceiro da Asociación Galega de Produtoras Independentes
(AGAPI), Pancho Casal, que vén de presentar no seu blog persoal un novo
proxecto de creación para tirar o máximo partido do seguinte feito: que nas
redes esteamos todas e todos, ou case todas/os. Máis polo miúdo, trátase do
proxecto Wecoop, plataforma de produción e comercialización
audiovisual baseada no crowdsourcing,
un concepto moi vixente hoxe no mundo en liña e que se refire, basicamente, o
fomento do traballo en mancomún onde todos somos unha parte fundamental da rede.
Segundo informa AGAPI dende a
súa web, a plataforma está cen por cen aberta e poden participar no seu
miolo tódolos integrantes da cadea de produción audiovisual galega, dende
produtores e profesionais independentes até nós mesmos, o público en xeral. Os
xeitos de participar serán do máis variados. Por poñer uns exemplos, os
produtores terán a oportunidade de xerar proxectos dende cero e buscar socios,
apoiar iniciativas doutros membros, dirixir e coordinar o desenvolvemento de
proxectos, captar talento ou actuar como provedores de servizos. Tamén poderán,
a través desta ferramenta, distribuÃr a nivel internacional obras propias.