Volven as Distopías Cotiás con claves sobre a privacidade en tempos de COVID-19
luns, 27 de abril do 2020
A
semana pasada, se cadra máis necesarias ca nunca malia as moitas
limitacións que impón a crise sanitaria e o Estado de Alarma,
retomaron a súa actividade as Distopías Cotiás de Coruña Dixital,
os encontros mensuais impulsados en colaboración coas Bibliotecas
Municipais para impulsar a reflexión arredor dos impactos das
tecnoloxías nas nosas vidas, unha reflexión colectiva, inclusiva e
integradora (dende o comezo das sesións quíxose dar cabida a
persoas de calquera ámbito, non só o das tecnoloxías). O equipo
organizador destas xuntanzas quixo destacar a necesidade de reactivar
as sesións, tentando achegar respostas ás moitas dúbidas que se
nos presentan, “agora que o noso día a día rematou por
converterse, tamén, nunha auténtica distopía cotiá”.
A
temática da nova cita celebrada o 20 de abril xirou arredor das
tensións que se están a producir no uso da tecnoloxía: entre a
seguridade colectiva, o reto epidemiolóxico e os dereitos da
cidadanía, especialmente a nosa privacidade. Na sesión, a primeira
en celebrarse de maneira telemática, participou Gemma Galdón,
analista e consultora de políticas públicas no ámbito dixital.
Residente na cidade, está especializada no impacto social, legal e
ético da tecnoloxía.
O
encontro, que se emitiu en directo a través da canle de YouTube das
Distopías, permitiu, igual que no formato orixinal, a participación
do público. Para que non puidera acudir ofréceselle o vídeo da
sesión.