Vodafone xa conta nas súas tendas con dous smartphones propios con 4G e NFC
xoves, 3 de xullo do 2014
A
operadora de telefonía Vodafone España vén de anunciar este mes de
xullo a
comercialización de 2 novos smartphones
de marca propia con 4G e NFC para pagos con Vodafone Wallet.
Máis polo miúdo, estamos a falar do Vodafone Smart 4 Power e do
Vodafone Smart 4 Turbo. O Vodafone Smart 4 Power, dispoñíbel en cor
negra, é un teléfono intelixente de alta gama que permite realizar
streaming de
vídeo de alta calidade, escoitar audio con son cristalino e gozar de
descargas instantáneas coa rede 4G da compañía.
Amais,
inclúe pantalla de alta definición de 5 polgadas qHD IPS,
procesador de catro núcleos a 1,3 Ghz, 1XB de RAM, cámara de 5Mpx,
batería de longa duración de 3000 mAh e NFC para pagamentos no
móbil con Vodafone Wallet. Tamén conta cunha memoria de 4XB e
fendedura Micro SD para ampliala. Estará dispoñible por 0 euros de
custo inicial e 28 euros ao mes IVE incluído con Smart M, que achega
200 minutos e 800MB ao mes para navegar. Estes prezos son válidos
para clientes de contrato portados doutra compañía e inclúen
permanencia de 24 meses en Vodafone e de 18 meses na tarifa elixida.
Tamén se pode adquirir sen permanencia por 179 euros IVE incluído.
En canto ao Vodafone
Smart 4 Turbo, dicir que conta coa última versión de Android 4.4
Kitkat e 1XB de memoria RAM para que os clientes poidan gozar das
apps e xogos de Google Play. Asemade, conta cun procesador de
catro núcleos a 1,2 Ghz, pantalla de 4,5” e unha batería de 1800
mAh. Vodafone Smart 4 Turbo permite acceder a Internet cunha
velocidade 4G de até 150 Mbps en descarga de datos e conta con NFC
para pagamentos móbiles coa app Vodafone Wallet. Estará
dispoñíbel en cor branca por 0 euros de custo inicial e 26 euros ao
mes (I.V.E. incluído) con Smart M, que consta de 200 minutos e 800MB
ao mes para navegar. Estes prezos son válidos para clientes de
contrato portados doutra compañía e inclúen permanencia de 24
meses en Vodafone e de 18 meses na tarifa elixida. Tamén se pode
adquirir sen permanencia por 129 euros IVE incluído.
Engadir, por último, que
os smartphones marca Vodafone tamén están dispoñibles para
autónomos, empresas e administracións. Por exemplo, institucións
como Cruz Vermella Española xa confiaron nos terminais marca
Vodafone para as súas comunicacións de voz e datos.