Vodafone lanza un escaparate-certame de novos grupos musicais
venres, 22 de marzo do 2013
O
operador Vodafone está a impulsar unha iniciativa para o pulo da
creatividade musical e, máis polo miúdo, para que no medio dunha
crise xeneralizada que hai tempo que non dá respiro ao sector (sexan
artistas ou selos de publicación, sexan firmas grandes ou pequenas,
tradicionais ou innovadoras), os músicos poidan ter terra firme para
seguir facendo concertos e publicando as súas obras. Falamos de
Vodafone yu:
Music Talent, unha proposta para botar unha man “aos
artistas que comezan a dar os seus primeiros pasos no eido da música
e que non o teñen doado para ofrecer actuacións aos seus
seareiros”.
Máis
polo miúdo, trátase dunha convocatoria lanzada a nivel nacional e
que se vai artellar a través dun concurso en liña no que se
elixirán as formacións que complementarán as xiras dos artistas xa
afianzados que Vodafone vai levar por toda España (por medio de
Vodafone yu: Music Shows). Para entendernos, Music Talent é un
concurso para que os seareiros-internautas elixan quen debe acompañar
a Amaral, The Klaxons, Russian Red, Lori Meyers ou Dorian no seu
itinerario estatal patrocinado por Vodafone. O prazo de inscrición
para participar en Music Talent remata o vindeiro 4 de abril. Cómpre
formalizala a través de vodafoneyumusicshows.es.
Os
catro grupos finalistas gañarán 3.000 euros cada un en instrumentos
musicais e o gañador outros 3.000 euros adicionais e a gravación
dun disco. Todo isto farase por votación popular na Rede,
publicándose na web o nome dos seleccionados o vindeiro 16 de abril.
Un xurado de expertos musicais dará o último paso e elixirá os
catro finalistas de entre os semifinalistas.