Vodafone lanza o servizo Wi-Fi 6

A partir de hoxe os novos clientes de fibra de Vodafone poden gozar do novo router Vodafone Wi-Fi 6 Station e do servizo Super WiFi 6 a un prezo de 9,99 euros/mes, o que permite gozar de maiores velocidades de comunicación sen fíos, menor latencia, conexións máis seguras (WPA3), maior capacidade de rede e un menor consumo enerxético.
O router Vodafone Wi-Fi 6 Station é o modelo máis avanzado que ofrece a operador aos seus clientes de rede fixa, dotado con Wi-Fi 6 e antenas 4x4 nas bandas de 2,4 GHz e 5 GHz. Adicionalmente pódese contratar o servizo Super WiFi 6, que facilita a mellora de cobertura mediante extensores, conseguindo así que non haxa recunchos sen cobertura no fogar, e garantir comunicacións estables.
No caso dos novos clientes de Vodafone One Hogar Ilimitable con fibra de 1 Gbps o router Vodafone WiFi 6 Station cun extensor Super WiFi 6 non terá custo adicional, aínda que terían que pagar 4,99 euros/mes por cada extensor adicional que precisen (até un máximo de 5 extensores). Para o resto de novos clientes o servizo terá un prezo de 9,99 euros/mes, aínda que de non precisar extensor o prezo quedaría en só 3 euros/mes.
Os clientes actuais de Vodafone poden contratar o servizo Super WiFi 6 por 9,99 euros/mes con 2 extensores incluídos.