Vodafone duplica os GB das súas tarifas de prepago
martes, 26 de xaneiro do 2016
Vodafone España vén de
anunciar que
duplica a xeito de promoción os GB das súas tarifas de prepago:
as tarifas Vodafone Yu, Vodafone Internacional Smartphone e Vodafone
in Spain. Os clientes destas modalidades que renoven a cota entre o
27 de xaneiro e o 31 de marzo do 2016 gozarán do dobre de GB “sen
ningún custe extra”. Ademais, poderán renovala tantas veces como
desexen. Así, un cliente co plan Megayuser terá 4 GB en troques
dos 2 GB de base, e un cliente coa tarifa Superyuser gozará de 3 GB
no canto dos 1,5 GB de orixe.
Ademais, as tarifas
Vodafone Yu inclúen chamadas de balde a outros clientes de Vodafone
Yu e minutos a outros operadores as 24 horas, así como os servizos
Back Up+ e Secure Net.
Por outra banda, un
cliente de Vodafone Internacional Smartphone, en lugar de 1,5 GB
pasará a ter 3GB, e os 60 minutos para chamadas nacionais e
internacionais, mantendo a cota de 15 euros.
Esta promoción estará
dispoñíbel desde mañá 27 de xaneiro, e até o 31 de marzo do
2016 tanto para os clientes actuais como para novos clientes.