Vitae proporciona adestramento para afrontar o gran reto dos nosos días: o dos datos masivos
mércores, 27 de xuño do 2018
A
consultora galega Vitae vai brindarnos os días vindeiros unha nova
oportunidade para participar nun obradoiro feito á medida do noso
adestramento continuo en materia de xestión, tratamento e análise
de datos (de datos en perpetua fase de medre). Estamos a falar da
sétima edición do Curso
Big Data Deseño e Arquitectura de Solucións con Hadoop, Spark e R,
cuxa primeira convocatoria remóntase a 2012, polo que se trata dun
dos obradoiros de meirande relevancia histórica da consultora (e do
noso panorama formativo galego en xeral).
Serán
novamente 20 horas de adestramento avanzado sobre recursos
especialmente acaidos para converter a información en bruto en datos
de valor, útiles e rendíbeis. En termos máis concretos, o curso
aprenderanos a manexar ferramentas que converten en doada e útil a
información inxente, que é, por outra banda, unha realidade (a do
Big Data) coa que deberemos “convivir” nas mellores
condicións de capacitación.
O
curso, polo tanto, pon o foco na importancia da información, tanto a
nivel múltiple e xenérico como a nivel de detalle, atendendo a cada
dato por pequeno sexa e salientando a súa importancia. Por exemplo á
hora de proporcionar vantaxes competitivas (onde é preciso coñecer
as diferentes aproximacións que temos dispoñíbeis para xestión de
grandes cantidades de datos).
Durante
este obradoiro, que se celebra en Vigo os días 11, 12, 13 e 14 de
xullo (no Centro Social Afundación de ABANCA, na rúa Policarpo
Sanz), analizaranse os diversos vieiros que podemos encarar para
abordar o manexo de datos a gran escala, mostrando as alternativas de
arquitectura dispoñíbeis, con vistas a dar resposta aos
requirimentos de análise de información de cada entidade ou
empresa.
No
curso empregarase HDinisght, a distribución Hadoop de Microsoft na
nube para os laboratorios prácticos durante o curso, aínda que os
conceptos serán válidos para calquera das distribucións do
mercado.
Os
obxectivos do obradoiro son os seguintes: coñecer as diferentes
arquitecturas dispoñíbeis e posíbeis para definir unha
arquitectura Big Data; diferenciar os diversos tipos de
requirimentos de análise de información; e introducirnos na
analítica avanzada a través dos programas Spark e R.
O
curso vai dirixido a profesionais do ámbito das Tecnoloxías da
Información (TI) que queiran adquirir coñecementos sobre a xestión,
o manexo e a interpretación do coñecemento masivos
O
temario abrangue unha introdución a Hadoop, os fundamentos de
almacenamento, un achegamento á configuración de servizos Hadoop, o
uso de Ambari para seguimento e administración, os fundamentos de
Hive, a arquitectura de Apache Spark e un achegamento ao R-Server en
Spark.
O
profesional que impartirá o obradoiro será Antonio Soto Rodríguez,
enxeñeiro en Informática de Sistemas pola Universidade da Coruña e
profesional con máis de dúas décadas de experiencia como consultor
técnico experto e certificado, achegando formación na Universidade
Microsoft e a empresas e organismos como a NASA, NASDAQ, PEMEX,
SERGAS, Citroen, CEAGA, Inditex, Ferroplast, Banco Popular, ABANCA,
Xunta de Galicia ou Abertis.