Vitae introdúcenos en febreiro na programación con Flutter
martes, 9 de xaneiro do 2024
Vitae
Consultores prepáranos para febreiro un curso sobre Flutter,
ferramenta aberta desenvolvida por Google para crear aplicacións
móbiles tanto para Android como para iOS (Apple), cuxas principais
vantaxes son as posibilidades que ofrece de compilar en nativo, un
sistema flexíbel para crear interfaces gráficas e, tamén, moita
axilidade no desenvolvemento de ferramentas de calidade (permite ver
resultados de xeito inmediato mentres se escribe o código). O curso
de Vitae (Introdución
á programación con Flutter) consta de 24 horas e vén en
formato de aula virtual. Desenvolverase os días 5, 7, 8, 14, 15, 19,
21 e 22 de febreiro de 2024.
Segundo
explica a consultora galega, este curso caracterízase polo seu
enfoque “eminentemente práctico”, onde os conceptos teóricos
preséntanse de maneira dinámica a través de exemplos desenvolvidos
en tempo real polo instrutor durante as sesións. Os participantes
terán a oportunidade de presenciar a aplicación práctica de cada
concepto, seguido por exercicios guiados que lles permiten aplicar e
reforzar o aprendido. A metodoloxía de ensino céntrase na
participación activa dos alumnos, que estarán inmersos na
resolución de problemas e a creación de solucións concretas. “Esta
dinámica”, explica Vitae, “asegura que os participantes adquiran
non só coñecementos teóricos, senón tamén a destreza práctica
necesaria para desenvolver aplicacións efectivas con Flutter”. O
obxectivo, engade a consultora, “é que ao finalizar o curso o
alumnado non só comprendan os principios fundamentais, senón que
tamén desenvolvan habilidades prácticas sólidas a través da
aplicación directa dos conceptos en exercicios guiados e proxectos
prácticos”.
O
curso será impartido por Eduard Carreras, licenciado en Matemáticas
e mestrado en Matemática Aplicada pola Universidade de Barcelona.
Posúe máis de 20 anos de experiencia no eido do desenvolvemento de
software, destacando a súa contribución na tecnoloxía detrás da
distribución de resultados para os Xogos Olímpicos en seis edicións
consecutivas, desde Salt Lake 2002 ata Londres 2012.
É
desenvolvedor freelance na exclusiva rede Toptal
especializándose no desenvolvemento de aplicacións móbiles, con
varias aplicacións publicadas para Android baixo a marca Poquesoft,
que suman máis dun millón de descargas en Google Play e Apple
Store. Tamén publicou para iOS desenvolvementos realizados en
Flutter.
Entre
as empresas e organismos que asesorou atópanse Nestlé, Acció,
Atos, Fluidra, La Caixa, COI, FIFA, Toptal, Bizphone, CIFO
L’Hospitalet, Barcelona Activa, etc.