Vitae introdúcenos cun novo curso no potencial do Big Data para o ámbito dos negocios
xoves, 14 de abril do 2016
Vitae
Consultores prosegue coa súa máis que completa axenda de
actividades formativas avanzadas para os nosos profesionais TIC.
Desta volta cómpre salientar un obradoiro directamente encamiñado a
actualizarnos sobre información masiva e a súa aplicación no
ámbito empresarial. O curso Big
Data: Ferramentas Tecnolóxicas e Aplicacións para Negocio
(información en formato PDF) celebrarase na Coruña (no Hotel Attica21) os días 20, 21, 27 e
28 de maio. Terá unha duración de 20 horas e o seu obxectivo,
segundo nos contan dende Vitae, é “proporcionar unha visión do
Big Data tanto dende o punto de vista de negocio como do da
tecnoloxía”.
Ao remate da actividade,
engádese, “os asistentes comprenderán en todo o seu alcance que
significa o dito concepto e, tamén, todo o que non significa”. Ou
sexa, para que serve o Big Data e con que se pode facer Big
Data.
En termos concretos, os
participantes no obradoiro estarán en disposición de facer cousas
como recoñecer os cen termos máis empregados ao abeiro deste ámbito
da información masiva (termos como “Cloudera”, “Hadoop”,
“Hortonworks”, “MapR”, “HDFS”, “Spark”, “Flume”,
“Kafka”, “Hive”, “Pig”, “Impala”, etc), comprender as
oportunidades de resolución de problemas con tecnoloxías destinadas
ás grandes cantidades de datos, enxergar claramente o valor que
poden achegar os datos, coñecer en que consisten os termos “Data
Science” e mesmo lanzar un proxecto Big Data propiamente
dito (con Microsoft Azure).
O curso estará dotado
dunha “metodoloxía moi aplicada”, que mestura a presentación de
conceptos con discusión sobre aplicacións, ademais de traballo
práctico na solución de Big Data como servizo de Microsoft
Azure.
O curso está dirixido
tanto a profesionais de áreas de negocio como de tecnoloxía:
directivos, responsábeis de tecnoloxía, responsábeis de
innovación, desenvolvedores de negocio, profesionais da intelixencia
nos negocios, administradores de datos, administradores de sistemas e
“calquera profesional interesado en coñecer as oportunidades que
presenta a información masiva e as ferramentas que a fan posíbel”.
A actividade formativa
constará de tres temas ou eixes temáticos fundamentais, abranguendo
dende unha introdución xenérica e básica (Que é e que non é o
Big Data?) até o máis avanzado
e específico (múltiples ferramentas de traballo, exemplos concretos
de oportunidades de negocio, procesado e análise, recursos de
intelixencia empresarial, etc).
O
horario do curso será o seguinte: venres de 16.00 a 21.00 horas,
sábados de 9.00 a 14.00 horas. Celebrarase, como dixemos, no Hotel
Attica21 da Coruña, nos números 3 e 4 da rúa Enrique Mariñas. O
encargados de impartir a actividade formativa serán Guillermo López
Taboada (doutor en Informática, co-fundador da empresa Torus
Software Solutions e profesor da Facultade de Informática da Coruña)
e Jorge Docampo Carro (enxeñeiro en Informática e Máster en
Computación de Altas Prestacións, os dous títulos pola
Universidade da Coruña),